Your Daily News

Mobile App ah chhiar theih in a awm e

Hun hman dik thiam dan kawngte

0 70

Kan hun neih dan inchen siin kan hnathawh a inthlau thei hi a mak lem lo. Hun tawite chhungah thil tam tak thawk thei an awm ang bawkin hun tam tak khawhrala hna tlemte thawk pawh a awm theih a ni. Engtinnge kan hun neih kan hman that dan tur ni ang le?

1) I hna kha sem thiam rawh: Hnathawhna hmuna phili chung i hmu tawh thin ang, eng i lo ni ve reng. Hna a mi duhamte hian an thawh theih aia tam ka la thin a,hetianga mahni tlin loh tur buaipuina hian beidawn chauh a rahchhuah thin. Hna sem kan tih hi thawh hreh vang nilovin, mahni tlin loh tur pui pui sual buaia hun khawhral ai chuan midang sem then mai tur a ni.

2) Thawh hmasak tur hre rawh: Office thlen veleha ‘awi ka va han indaih lo tak em’ tih ai chuan office i kal hmain i inah minute 10 vel i thawh turte thlir lawk sa la,engnge thawh hmasak tur tihte en rawh. Hnaah pawh a)thawh nghal ngai chi b) thawh ngei ngei tura pawimawh c) thupui mahse hmanhmawh ngai lo chite a awm bawk. Hna, Inlam thil leh personal thil te i dah hrang tur a ni.

3) I zawh hun tur ruat rawh: A thupuiber leh thawh hmasak turte i nei sa a, engtika thawh zawh tur nge tih a awm leh si lo chuan i buai thei a ni. Engtikah, eng niah tihte chinchhiah rawh. Hunbithliah i siam khan awmang takin siam rawh, tehkhin nan ‘ni khatah lehkhabu pathum ka chhiar zovang’ tih ang chi kha a awmang lo a ni.

4) I hun pawt sei suh: Exam chhan dawna ni khat subject khat tih ang te hi a tha lo. I thluak tha hle mahse i smart phah chuang dawn lo. Nakinah, tlai lamah, zanah le, naktukah, tih ang chi hi a tha reng reng lo tih hre rawh. Zing i thova, ‘a la hma emai’, hnathawh a hun a ‘ka inhnawhkhat phawt loh chuan’i ei zova ‘ka pumin min hnawh’ chhun a lo thlenga ‘a lum emai’ a vawt emai’ a tlai tawh emai’ tih hmangte hi an changkang thei lo.

5) Vawi khatah hna tamtak thawk suh: Chaw ei phaha lehkha chhiarte, TV en phaha lehkha chhiarte, a tikawp thei pawh an lo awm mahna, mahse a tha lo, thil pakhat chuah rilru zawng zawng pein bei chhin la, a kawpa i thawh aiin a ran bakah a mawi zawk bawk ang. TV en phahin lehkha chhiar teh, Tv a chhuak pawh i sawivek thei lo anga, i lehkha pawh i sawi vek thei lovang. Ri tam lohnaah lehkha en rawh, i phone silent bawk la, a theih chuan a falin awm la fel takin i ti thei ang.

6) Chawl ang che: Tisa leh thisena siam kan ni a, hah thei, chau thei, nguai thei, zawi thei kan nih avangin chawlh lak dan thiam rawh. I taksa a chauh chuan i rilru a buainuai zel dawn a,minute 10te 20 pawh chawl rawh, dinga, kal vel la, han zi vel la, tuite in la, chawlh thiam ang che.

7) Aw le tivek suh: Duham vangte, hmaizah vangte, tlawmngaih vang pawhin miin titura an tih apiang ‘Aw’ ti suh ‘Aih’ tih pawh zir rawh. Engkima ‘aw’ titu chuan a taksa a hmangaih lo hrim hrim a ni. Miin tanpui an dil che a nih pawhin i hna duan sa list kha en phawt la chhang ang che.

source ‘akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com