Your Daily News

Mobile App ah chhiar theih in a awm e

Hriselna khawihpawi thei kan ngainat fashionte

0 129

Hmeichhiate hian an mawina tur ni a an rin tawh chuan an taksain rilrem vak lo mahse, na tuar pawhin an inbel duh ang bawkin mipa thenkhat nalh duhte chuan lum tak leh tawt takin an inthuam duh mai bawk a ni. Kan ngaihtuah tur pakhat chu kan thawmhnaw khaite hian hriat tham lovin kan hriselna a khawih pawi ve thei a ni.

Thawmhnaw tawt inbel: Jean long pan tawt tak hak hi kan uar a, mahse a miphuar dan chu kan hriat vek kha. Khawsak a tihrehawm chauh pawh nilovin,i thisen kal vel a timuanga, i thisen kawng thenkhat a ti zau anga, i pumpui digest level a ti chhe thei a ni. I khelruh bawr vela vun hmanga hriatna a ti chhe thei a ni. Jean tawt taka i hak hian i pian mawina lantir mahse i hriselna atan chuan a tha ber lo tih hria ang che.

Pheikhawk keartuisang: Auburn universitya mithiamte chuan mipate ai hian hmeichhiate hian ke lam buaina a bin li velin an nei tam a ni an ti.Smart duh vangin keartuisang an bun hian an ke ruhchang a na, ke ulh leh ruhchang bawkte a then tir thei a ni.Heng ke lam harsatna thlentu ber chu pheikhawk keartuisang hi a ni. Hriselna khawih pawi thei pheikhawk keartuisang hi chu ni bikah bun la, nitin khawsaknaah chuan bun nuam pangai bun ang che.

Bengbeh rit leh thi rit lutuk hmang: Tun hnaia an finfiahnaah chuan bengbeh zawng zawnga 20% hian beng chhungah natna hrik an lut tir thei a, kan inthlahdah phei chuan kan nunna tan pawh tihbaiawm a ni thei reng a ni. Bengbeh rit leh lian avang hian a then chu plastic surgery thlengin an neih phah a ni. Thi rit lutuk avang pawh hian thenkhat chuan ringna,nghawngna te an nei a ni.

Necktie: Thawmhnaw avanga hriselna ti chhetute hi hmeichhia chauh an ni lova, mipate pawh an awm ve tho a ni. Cornell University chuan mipa za zela sawm ruk leh pasarihte hian kawr an lei hian an nghawng aia te deuh hi an zawng thin a ni a ti. A chhan chu kawr nghawng te leh necktie hi a inmil phian a, mahse a lo rei chuan thisen vakvel a hreka,mit chhunga tui rih lam a ti danglama,luna leh hnunglam darte a ti na thei bawk.

Bra tawt hak: Bra tawt tak i hak rei chuan darna,hnungzangna, hnungzangruhna i nei thei a ni. Dawr atang i chhuah hma ngeiin chiang takin zawt ang che. Hnute lian tak neite tan chuan Bra hrui tetakte kha hak loh tur a ni.Hnute tetakte neite tan chuan taksain a tawrh loh nan a chhunga metal awm chi kha ha ang che.

Bag lian lutuk khai suh: Engkim thun theih bag lian pui pui hi hmeichhe thenkhat hian pai an ching a, dar lehlam chauhva rei tak an han pai chuan dar a na thei a, dar tha, dar ruh inchuktuahna pawh a ti na thei a ni. Bag lian tak tak chu pai nuam zawka i hria a nih pawhin a chhungah i mamawh chauh thun ang che.

Pencil skirt: Skirt hmawr zim chi hak hian i ke pahnih engthawlna a ti khawlo va, kete a phuar tlat avangin kawng kal a ti rualrem chiah lo a ni. Chuvangin Pencil skirt leh Pipe skirtte chu hak loh a tha zawk a ni.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com