Your Daily News

Hmeichhe intodelhte lenreina chhan

0 106

America mipui zatve aia tam (million 124.6) khi single vek an ni. An ram ah hian nupui pasal nei aiin nei lo an tam zawk. Engvang nge ni ang le?

1) Mi changkang chuan rinchhan neih an duh lo: Khawvela hmeichhe then khat chuan dika an hriat tawh chu an sahuai thing vawn tlur zela, chu thudik avang pawh chuan khawvel tih danglam hial an nap thin. Hna tha an neih a, an intodelh tawh phei chuan mi kut hnuaia awm an duh lova, mipa pawh an mamawh em em hran tawh lo.

2) Mahni a zalen taka khawsak an duh: Ni tin mai, hna atanga haw ve leha pasalte tan leh fate tana ei rawngbawl vel chu an peih tawh lova, mahni hun hlu tak chu mahni hlim zawnga hnawh khat an duh tawh zawk. Mawi reng duhin Spa, Beauty Saloon, leh shopping lam hi an uar a,in tihhmasawn nan training lam an uar thin. Pasal tang atang chuan chung tih chu har tak a ni.

3) Rilru a vak kual  tawh lo: Mithiam an ni a, an hosak tawh phei chuan a rilru hi tleirawl lai angin a vak dun dun tawh lova,Mipate pawh an tluk lohna em em an hre tawh lo, mahni duh lotute nena khum khata mut dun ai chuan mahni duh zawng ngei nghah ngar ngar pawh an duh zawk.

4) Changkang taka awm an duh: Degree pakhat lek pawh an duh tawk tawh lo, pahnih, pathum lai an neih tawh phei chuan an kal san tak nun hniam taka awm leh hi an hlau thina,mite chhoh en nih zel chu an thlang zawk thin a ni. An nihna aia nihna hniam chu an ngaihsak vak lo.

5) Mipate pawh hian hmeichhe changkang chu an hlau: Hmeichhe lam chauh a ni lo, mipate pawh hian hmeichhe changkang leh intodelh chu kan hnaih ngam lo, ka dah nuam zo lovang tih hlauvin kan hnaih ngam thin lo.A lehlamah chuan ka intodelh a, anmahni(mipa)in min kherh loh chuan ka duhna ka tilang bik dawn lo tiin an insum ral thin.

6) Mipate an ring tawk thei lo: Film a an hmuh thin angin a tawpah pasal tha tak ka nei anga, kum khuain hlim takin an cheng dun ta a, tih vel hi an ring zo tawh lo. A takah chuan nu thlawi mai niin ka ho zo vek dawn tih an hria, then leh tur pasal nei a, nep taka len leh ai chuan hlu taka bantlang an duh zawk thin.

source ‘Akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com