Your Daily News

Mobile App ah chhiar theih in a awm e

Chak zawka hna i thawh theih nan

0 69

Khawvela kan dam chhung chuan mihring leh hna hi then theih kan ni lo, thawk tam chu taima kan ti a, thawk tlem em em thin chu thatchhia kan ti thei tho awm e. Taimak chauh pawh a tawk lova, tha taka thawktu nih apawimawh kan ti thei ang. Hei aia pawimawh leh chu kan hnate tihpun leh zau zawka hmalak dan thiam hi a ni. Zau zawka hna kan thawh theih nan,,,,

Ni khat chhunga thawh zawh tur kha chhinchhiah rawh :Office i thlen huna i thawh hmasak ber turte chu chhinchhiah sa ang che. I lo theihnghilh palh a nih pawhin computer i hawn ve leh a rawn lang anga, tichuan ka han thawk nghal law law teh ang tih i rilruah a rawn lut ang a, i thawk zo thuai mai dawn a ni.

Minute 2 policyin hun khawhral bansan rawh: Kan sawi tawh nan, a la hre lote an awm takin minute 2 policy chu minute 2 chhunga thawh zawh tur chu minute 2 chhung ngeiah i thawk zo tur a ni. He minute 2 policy hmang tur chuan nikhat hna tur chu i dah fel sa a ngai dawn a ni. Ni khat chhunga thawh tur i siam fel chuan, rei lo te a thawh zawh theih hnate an rawn lang nghal bawk ang. Chungte chu thawk nghal la,chung chuan i hun an luah rei tur a ni lo.

Che tam rawh: Eng hna pawh thawk la, chawlh hun a awm thina, chung chawlh lai chuan insawizawi uar ang che.Insawizawi hian taksa chauh nilovin rilru pawh a tihrisel a ni. Brain HQ lehkha pakhatah chuan insawizawi hian thluak a ti thang lian chauh nilovin rilru tihahtu Hormone pawh a ti tlem thei a ni tiin  a ziak.Chuvangin rilru min delhrittu tih tlem nan insawizawi hi i uar chuan i hawiher pawh a zang anga, hnathawhnaah pawh i zei bik dawn a ni.

I phone silent la, notification pawh off rawh: Hna thawh laia phone rawn ring thinte, rilru luh laia Notification rawn ri thin hian kan rilru a pawt penga, hnathawh a ti muang thin a ni. Keimahni chauh nilovin kan bula awmte tan pawh a ninawm thei bawk a ni. Rilru bing taka kan hman laia a rawn ring chuan agenda dangah kan lo pakai hman thin a, chu chuan hnathawh a ti hmasawn mawh thin a ni.

A rualin thawh kawp suh: Fel tum vang emaw, hmanhmawh vang emaw pawh nise a ruala hna tamtak thawh kawp chu a tha lo. Hna chu fel tak leh diktaka zawh fel tur a nih avangin uluk takin pakhat te tein i thawk zawk tur a ni. Vawi khata hna tamtak kep hian rilru a tidarh thin a ni. Chungvangin thawk hlawk tak nih i duh chuan multitasking chu bansan ang che.

source ‘akhayar.com’

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com