Bodybuilder Lar Chu A Nupui 2-na Nen Honeymoon Hmanga Thlawkchhuakin An Hlimdun Hle!
Khawvel huapa pa lar Kazakhstan bodybuilder Yuri Tolochko leh a nupui 2-na hmeichhe lem te chu Honeymoon hmangin Bulgaria khawpui an fangkual tih hriat a ni.
A hmain pa sek hmingthang hian hmeichhe lem Margo tia koh chu nupuiah a nei a, an inneih atanga kum 1 a liam meuh chuan a nupui Margo chu chhe zuiin siamtha turin a thawn leh ta a ni.
A nupui Margo in a awmlohsan hnu hian a lunglengin awmngaihna a hre ta lova, thil dang lakah a nupui chu rinawmlohsanin a uire tih amah ngeiin a sawi chhuak a ni. Tiang rilru beihvai taka a awm lai hian kumin September thla liam ta khan Club a meivap paihna (ashtray) inhung chu a ngaizawng leh ta tlat mai a, a chanchin hian internet khawvelah hnuhma a ngah em em mai a ni.
Daily Star in a tarlan danin, Yuri leh a nupui 2-na hmeichhe lem Luna te hi Bulgaria-ah thlawklutin honeymoon an hmang tih tarlangin, an zin chhung hian nupa nun an hmang rim dun hle tih Yuri chuan a sawi.
“Pamdemic avangin duhthusamin ka nupui Luna nen honeymoon pawh kan hmang hlei thei lova, natna chuan mi tam tak ruahmanna a tisukuk angin tun hunah hian Bulgaria lam panin kan zindun thei ta a ni. Ka bussiness trip ni pah fawmin ka hmangaih Luna ka hruai ve thei chu ka lawm hle a ni:” tiin Yuri chuan The Mirror a hrilh.
