Your Daily News

A Nupui Milem (Doll) A Chhiat Avanga Repair Tura A Thawn Hlânin Bodybuilder In Thildang Lakah A Rinawm Lo Tih A Sawichhuak

0 3,454

Hmeichhe lem (doll) nupui atana a neih hnua mite hriata lar lehzual Bodybuilder Yuri Tolochko chuan, a nupui milem a chhiat avanga, damdawi in lama repair tura a thawn hlanin thildang lakah a rinawmlohsan tih social media kaltlangin a puang leh ta!

Kazakhstan bodybuilder Yuri chuan Novemver thla 2020 khan hmeichhe lem Margo nupuiah a neia, an inneih ni hian thianthate leh mi sawmbikte pawh an tel kim hle.

Vanduaithlak takin a nupui milem chu a sawp na deuh ni ngei tur a ni, a chhiat thut avangin Krismas hma lawk khan repair turin a thawn leh ta a ni. A nupui tel lova khawhar taka hun a hman mek laiin, hman ni lawk khan video pakhat Instagram lamah a post tih an sawi.

He video-ah hian Yuri chuan kekawrte bak engmah thawmhnaw a ha lova, silver rawng thil engemaw hi a pawm a, a nupui milem Margo chu a uiresan tih a tarlang. He a video tihchhuah thar hian a followers-te a tihrilhhai hle a ni. A follower pakhat chuan “Chu! I nupui chu i rinawmlohsan tihna em ni?” tiin a zawt a, Yuri chuan “Hospital lama a awm chhungin ka insum zo bik lo a ni” tiin a chhang let ve nghal a ni.

Mahni mihringpuite aia milem nupuia thlang zawktu Yuri hi a nupui neih hnuah a lar chho hle a, social media lamah pawh amah ngaisangtu an pung thur thur mai a ni. Tunah hian Instagram ah followers 99,000 a nei mek a ni.

A nupui damdawi in atanga a lo chhuah hunah a video thehdarh chungchang hi a hre chhuak a nih ngat chuan an buai ve ngei ang le!

Ref: Indiatimes

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!