Your Daily News

A Khawsak Nunphung Thlak Danglam Nan A Hna Chawlhsanin Sum Hmuh Nan A Thlalak Hralh

0 1,034

US, Arizona a Zirtirtu hna thawk lai hmeichhe hmeltha tak mai Courtney Tillia kum 34 mi chuan a hna bansanin OnlyFans platform lam a luhchilh tih a sawi. He a hna thar hian a hringnun kawngchhuk chho tak chu a thlak danglamsak tih a tarlang bawk.

Zirtirtu Courtney Tillia hi Class 5 atanga Class 9 naupangte online kaltlanga zirna pe thintu a nia, Lockdown avanga sum leh pai harsatna chuan naupang zirtir chhunzawm thei loin, OnlyFans lamah a hun a hmantir ta zawk tih a sawi lang bawk. In lamah khawhar taka hun hman reng chu a ninawm a tih thu pawh a sawilang tel bawk a ni.

Zirtirtu hmeltha leh ngaihno bei tak mai Courtney chuan OnlyFans a luhchilh hnu hian zirtirtu hna a thawhlaia a sum lakluh let 4 zet sum a hailut niin a sawi. A hna chu hna zahthlak a nilo tih sawiin, pandemic laiin a sum hailuh chu a sang leh zual a ti a ni. A chhan pawh pandemic avanga pawn chhuak theilo leh mahni in lama tawm an tam avangin Online lama hun khawhral an pung a ti bawk.

“Zirtirtu hna ka thawk lai chuan sum leh pai dinhmunah chhungkua kan harsa hle a, OnlyFans chuan kan chhungkua mamawh engkim min phuhruksak a ni” tiin a sawi.

Courtney hian tun dinhmunah Instagram lamah Followers 160,000 a nei mek bawk a ni. Tunah hian pasal a nei tawh a, a fate 4 nen an khawsaho mek a ni. Hmeichhe tam tak amah ang dinhmuna ding mekte a puih bakah, amah ngei pawh sum leh pai ah nasa takin an invawrh kang tih a tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!