Your Daily News

Nupa Tuakten Khawvela Theihai Manto Ber 1Kg 2.7 Lakhs Man Chu Ui Leh Mihring An Ventir!

0 6,857

India ram, Madhya Pradesh state-ah nupa tuakte chuan khawvel theihai manto ber (Japanese Miyazaki mangoes) an huana an phun chu security gaurds 4 leh ui fing 6 lai an ventir tih hriat a ni. Heng theihaite hi an huan Jabalpur a an chin niin an sawi.

Miyazaki theihai rahte hi engvanga tiang em ema venghimtu nei tha nge an nih tih i ngaihtuahin mak i ti a ni mahna, a man i hriat chhuah meuh chuan i phu zawk a nih loh pawhin a rilru i thlak nghal ngei ang!

Nupa tuak Rani leh Sankalp Parihar ten an huana an theihai kung chin chu a tirah Japanese Miyazaki a ni tih an hrechiang bik lova, a puitlin hnua rah a chhuah meuh chuan an thlai chinna huan hmunzimte ah rangkachak khur an nei a ni ringawt mai a ni.

Theihai rah chuan nupa tuakte dinhmun leh khawsak phung chu reilote chhungin khi tah a chawisang chhova, an roh em avangin theihai kung 2 venghim turin security 4 leh ui fing 6 zet an ruai tih an sawi.

Gaurds leh ui fingte hian dakar 24 chhung chu helai huan zimte hi an vil ngun hle a, India ram mai nilo khawvel hmun dangah pawh he Miyazaki theihai hi a man a to em em tih an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!