Your Daily News

Meialh Mit Ve Ngailo, Khawvel Mifingte Mak Tih Tuikhawhthla Hnuai Ami Chu!

0 1,795

Khawvelah hian thil mak sawisen loh leh sawifiah thiam rual loh a mak sawi tur a tam ngei ang le! Khawvel thilmak tam tak zingah mite ngaihtuahna leh mithiamte rilru luahtu ber pakhat chu US, Chestnut Bridge Park a meialh mit ve ngailo chanchin hi a ni.

Tuikhawhthla hnuaiah mei a alh chhuak a, he meialh hi a alh chhuah hun hriat nilo mahse, a alhchhuahna hub erawh a rei tawh hle niin mithiamte chuan an sawi. He meialh avang hian Chestnut Bridge Park pawh a hming a than phah hle a ni.

Meialh mit ve ngailo hi mi thenkhatte chuan a mak em avangin thil tihtheihna keng tel turah ngaiin an lo serh nghe nghe a ni. A thente ve thung chuan he mei a mih hma loh chu khawvel boruak a that an rin thu an sawi ve bawk. Meialh a mih hunah khawvelah chhiatna thleng turah an ngai thung. Khawvel mithiam te sawidanin, helai chhehvel leilung hi a upat tawh em avangin leilung hausakna a pai hnem hle niin an sawi a, tuikhawhthla hnuai chu natural gas tamna a nih avangin, he meialh hi gas alh chhuak a ni tih an sawi.

Mithiamte chuan, he Chestnut Bridge Park, tuikhawhthla hnuai a meialh lo chhuak hi khawvel hmundanga gas alh nen a danglam niin an sawi a, mei a mih ngai loh avang hian ‘Eternal Flames Falls’ tiin a hming an vuah nghe nghe.

He meialh hi kum tin mi thahnem takin an tlawh thin a, a chanchin leh a lo chhuahdan hrefiah thiam lo tan pawh a hmuhnawmin a dangdai em em mai a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!