Your Daily News

Zu Leh Sa Nen Nuamtawlin Ni 4 Chhung Zet A Fapa Nausen In Lamah A Kalsana, Riltamin A Thi

0 791

Nu pakhat chuan a fate 2 in lamah kalsanin a thiante nen ni 4 chhung zet zu leh sa an chen a, a fapa naupang zawk thla 11 mi chu riltam in a thih phah tih hriat a ni.

2019 kum khan Russia, Zlatoust a khawsa Olga Bazarova kum 25 mi chuan a fapa nausen thla 11 mi leh a fanu kum 3 mite chu room chhungah chaw leh tui loin a kalhhnana, in lama a haw leh hnu chuan a fapa nausen zawk chu riltamin a boral zui ta a ni. A fapa nausen hi riltam avang leh a taksain tui tlachhamin a thih phah ta tih an sawi.

A fanu kum 3 mi erawh vanneihthlak takin a thi lo hlauh a, mahse, a dinhmun a derthawng hle thung. Court chuan nu ber Olga Bazarova chu fate dinhmun ngaihthat ah leh nu a nihna hlen zo loah puhin thubuai an siamsak zui tih a tarlang.

Thuneitute sawidanin a fanu kum 3 mi chu a thi lo hlauh a, damdawi in lamah rang taka tlanpui a nia a fapa nausen thla 11 mi erawh damkhawchhuah ngaihna a awm lo a ni ber.

Olga hian zu leh sa chena, in a chhuahsan hma hian a fapa kum 7 mi chu a thiante chenna inah a dah a, a fate 2 hmeichhia kum 3 mi leh mipa thla 11 mite chu room ah a kalhhnana a kalsan zui ta a ni.

He thil duhawm lo tak a thlen lai hian Olga pasal chu Jail ah a tang niin an sawi. Amah Olga Bazarova ngei pawh a thil sual tih rapthlak tak avangin jail-ah kum 14 chhung tang tura hremna pek a ni nghe nghe.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!