Your Daily News

Zirtirtuin A Zirlai Mipa Naupang Kum 14 Mi Chu A Thlalak Thawnin Mipathmeichhiatna A Hmanpui

0 665

Australian hmeichhe zirtirtu Monica Elizabeth Young, kum 23, a upa chuan a zirlai mipa naupang kum 14 a upa chu Sydney park-ah mipathmeichhiatna a hmanpui niin an sawia, thiamloh a chang a nih chuan tân inah khung a ni dawn tih hriat ani.

Elizabeth hian a zirlai naupang hi car in a tlanpuia, Sydney park-a an che tla lai cu CCTV in a lo man tih hriat ani. A khawsak dan leh a chetdan chu naupang kumtlinglote mipathmeichhiatna lam hawia khawihbuaiah leh nawrluiah puh a ni ta a ni. A car chhungah mipa naupang hi a khawihbuai tih hriat a ni.

Investigators-ten CCTV footage an lak khawm atanga a landanin Ms Young hi mipa naupang nen car-in park lam chu an pan ngei tih Court hmaah an chanchin phawrh chhuah ani.

Mahse, car chhungah hian an chesual ngei em tih nemnghehna erawh a la awm chiah lo niin an sawi. Zirtawp ni liam ta khan Ms Young hi court-ah inlanin mipa naupang mipathmeichhiatna hmanpui anga an puhna chu New South Wales Supreme court hmaah a pha ve thung ani.

Daily Mail in a tarlan danin Ms Young leh mipa naupangte hi a hma pawhin class-ah hmuh an nih thu leh lehkha pawimawh ah pawh Ms Young malpuiah zirlai naupang hian a kut a dah niin tarlan a ni bawk. A thlalak pawh a thawn thin niin an sawi bawk.

He zirtirtu hian mipa naupang hnenah a mal khawih turin a thlem niin puhna a awm bawk a ni. Ms Young puhna hi a dik a nih chuan hremna pek a ni ngei dawn tih thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!