A ZIRLAI IN COCAINE A TI LAI A HMUH HNUAH MAN A NI.(video clip)
Nu leh pa-te hian kan fate hi school ah zirtirtu ten an enkawl ang tih ringin thlamuang takin kan dah thin.
Zirtirtu inthlahdah leh nun pawhlawh tak hnuaia zirna lak chu an nunah hmuh mai theihin nunphung pangai nilo hi hmuh mai tur a awm chawk.
Mahse heng zirtirtute hi kan fate tina-tu leh hruaisualtu lo ni ta se engtin nge ni ang? Zirtirtu thenkhatin an zirlai te tan a entawn tlak leh an theihna zawng zawng nen a,an enkawl laiin, thenkhat erawh entawn tlak tur pawh awm lo tam tak an awm ve bawk.
English zirtirtu hmeichhe 1 chu a zirlai pakhatin a thil tiru lai video in a lo la a, Zirlai pakhat chuan an zirtirtu chu classroom ruak pakhatah amah a awmlai a hmu a, video arukin alo record ta a. A hnuah chuan engemaw dik lo awm niin a hria, chiang taka a en hnuah an zirtirtu thil tih ruk chu a hre chiang thei ta a ni.
kan zirtirtu chu “Room kil ah thuin , chair leh lehkha bu phenah chuan cocaine ang deuh hi ka hmu ta a ni” Will Rogers, video la tu zirlai naupang chuan a sawi. Video hi Lake Central High School, St. John, Indiana ah dar 10:30am a lak a ni a, ” Video ka en nawn ka en nawn chuan kan English zirtirtu chuan cocaine a ti tih ka hmu ta a ni.
Tichuan social media lamah ka thehdarh ta nghal a,
Chu video chu kan School thuneitute chuan lo hria in, video hi thehdarh a nih hnu dar 11:30 am velah police call in Officer in English zirtirtu kum 24 mi Samantha Cox chu an man nghal a ni. zirtirtu hi Lake County Jail ah khung nghal a ni bawk.
Kan fate zirtirtu tura kan rinten hetiang tih an chin chuan kan fate hmalam hun tur chu ngaihtuah thiam mai theih a ni. I fate school kalna turah buailo la zirtirtu fel leh fello lamah buai zawk ang che u, tiin he school principal hian a sawi.