Your Daily News

ZIAK LEH CHHIAR THIAM LO – ‘BLOOD MAN’ AN TIH CHU

0 857

Țhian thenkhatte Christmas pualin thisen an pek thu ka lo hmu hlawm a, heti zawng hian țan ka lo khawh ve teh ang) Zirna lam han sawisak dawn chuan sawi tur a awm lo tluk a ni. Ziak leh chhiar tak ngial pawh a thiam tlat lo.Shyodanpura khua Rajasthan mi Amar singh(50) hi ‘Blood Man’ tiin an ko hial si a ni.

“Thirsakawr khalha ka tlan laiin 1987 kum khan kawngsirah chuan Sikh pa pakhat Accident vanga lo let reng ka hmu a, rang takin Hospital ah ka hruai a, a nunna chhanna tur chuan thisen pek nghal a ngaih thu mun hrilh a, ka pe ta nghal a, mi nunna ka chhan him reng mai tiin ka hlim em em a, ka hawi kir tawh lo” tiin a bul tanna a sawi. Vawi 73 thisen a pe tawh mai a ni lova, he lehkhathiam lo hian Blood Donation Camp vawi 330 lai Punjab, Haryana leh Rajasthan ahte a huaihawt tawh.

Kum 2007 khan a fapa nupui neih lawmna ah chuan an chhungkhat laina leh mi sawmte tan thisen pek a huaihawt nghal a, Unit 114 an pe. 2011 khan a nu a thi a, a vuina Programme ah Blood Donation Camp a buatsaih bawk !! NREGS hnathawk niin thlakhat ah Rs.4000 vel a hlawh a, A nupui leh fapa pahnihte nen an khawsa a, an chhungkhat laina te chuan thisen pek bakah an mit an Donate vek a, amah hian a mit bakah a taksa chu ‘Medical Research’ atan a Donate bawk. Indian Society of Blood Transfusion & Immunohaematology(ISBTI) chuan thisen pek kawnga a hmalakna zawng zawng hi Record an vawn that sak hial a ni. Ziak leh chhiar thiam lo pawhin Ram tan tih theih tam tak a neih chuan keini hi kan bâng thei bik dawn em ni? (Credit – RAM VEITUTE) @Sena Ralte

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!