Your Daily News

Zawlnei Muhammad Cartoons A Zirlaite Hnena A Nuihzathlak Zawnga Entirtu Zirtirtu Lu An Tan Chhum

0 10,610

October 16, 2020 (Fri) khan Paris ah Zirtirtu pakhat chu Zawlnei Muhammad chuanna cartoons a zirlaite hnenah a nuihzatthlak zawnga a entir avangin a lu an tan chhum tih hriat a ni. He tualthattu hi a tlanbo nghal tih BBC chuan a tarlang.

He thil thleng chungchang hi tualchhung miten thuneitute hnenah rang takin an hriattir nghala, police lam pawh he pawikhawihna hmun hi an thleng nghal tih an sawi. Police-ten he misual hi kohin amaha inpe thuai tur an hrilh tih an sawi.

Misual hian police-te pawh that tumin a vau zuia, a hnuah police-ten an kaphlum tih BBC chuan a tarlang. Anti-Terror prosecutor-te chuan he tualthatna hi an chhui zui mek a ni.

Misual beih tawka thita zirtirtu hi kum 47 a upa niin History-Geography teacher a nih thu an sawia, a subject 2 hian a zirtir kawp thin a ni.

He teacher hian a zirlai naupang kum 12-14 inkarte hnenah Muhammad chuanna cartoon chu a nuihzatthlak zawngin a entira, he a chetdan hian Muslims chhungkua thenkhatte ngeng a chhun nghala, sakhaw insawihnawmsaknaah ngaiin nu leh pate hnen atangin sawiselna a dawng nasa tih an sawi. Muslim sakhaw zuitu nu leh pate chuan thuneitute hnenah thubuai an thehlut zui tih hriat a ni.

French President Emmanuel Macron pawhin he pawikhawihna hmun hi tlawh nghalin thil thleng chu “Midawizepte thil tih” tiin a sawi nghe nghe.

Macron chuan “Hei hi kan indona chu a nia, kan dinchhan pawh a ni, rukrala chete chu an hlawhtling ngai lovang” tiin a sawi lang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!