Zantin Pasal An Inthlakthleng Thina, An Faten An Mahni Hringtu Dik Tak An Pa An Hre Mai Thei Lo!
US nupa tuak 2 te chu hmunkhat/chhungkaw pakhatah khawsain, an 4 hian inlaichinna nghet tak (nupui/pasal pakhat ai tam inneihna pawmdam thei polyamorous relatioship) nei an ni tih hriat a ni.
Hmeichhe 2 te hi Alycia leh Taya Hartless te niin, an pasalte hi Sean leh Tyler Rogers te an ni. Nupa tuak 2 te hian zantin deuhthaw an nupui/pasal te an inthlakthleng zing hle mai a, an fate tan tuzawk nge an pa tak ni ang tih chu hriat a har hle tih an sawi.
Alycia leh Tyler Rogers te hi 2019 kumah Online kaltlangin an intawng a, an nupaa nupa nun leh inlaichinna neih chu duhtawk lovin kawpui tur nupa tuak dang an zawng chhunzawm leh ta a ni. Kum 1 a liam hnuah US, Oregon-ah Taya Hartless leh Sean te chhungkua chu an va fin a, an ni hian fa 2 an lo nei tawh nghe nghe.
Tianga nupa tuak 2 hmunkhata infina an khawsak hnu hian Alycia leh Taya te chuan fa 2 an neih belh leh a, zantin an pasal mutpui an thlak thleng reng avang chuan an fate pa dik tak chu Tyler Rogers nge Sean tih chu an hre thei mai lo tih an sawi. Alycia hian April 3, 2021 ah mipa a hring a, Taya-in August 11, 2021 ah mipa bawk a hring a ni.
Nupa tuak 2 te ngaihdanah chuan, an fate hringtupa dik tak hriatchhuah pawh chu thil tul berah an ngai hran lova, a chhan chu nupa tuak 2 chhungkuaa infin leh innei an nih avangin a tu zawk zawk a pawh chu an fate hringtupa nise an pawmdam thiam tih an tarlang a ni.
