Your Daily News

Zana A Mut Laiin An Thenawmnu Thla A Khum Bulah A Lo Ding Rân

0 1,706

Kum 57 a upa Graham Norton tia koh chu lehkhathiam lar tak niin Ireland ramah pawh amah hrelo an vang hle. Lehkhabu pawh tam tak a lo ziak tawh bawk. A hringnuna a thil tawnte a sawichhuahnaah an thenawm maia awm hmeichhhe pakhat thla a hmuh thu a sawi hian ngaihven a hlawh hle.

Graham sawidanin vawikhat chu Brixton khawpuiah in a luaha, nipui lum vanglai tak a ni tih a sawi. Chutia khawlum tak karah chuan a kawr phelhin a mu a, zanlaiah a harh meuh chuan a khum bul lawkah thla a lo ding rân mai tih a sawi.

Graham chuan “Ka hlauh em avangin ngun deuh zawkin ka thlek zuia, kan thenawmnu a ni tih ka hre ta a ni.” tih a sawi. Hetih lai hian in neitute chu an zin bo lai tak a nia, thla chuan a room luhna chabi chu a nei ve nia ngaiin hlau tak chungin “Hello” a ti sap a, chhanna a hmu hauh lo a ti a ni.

Graham chuan “Saruaka ka awm lai tak a nih avangin min be ngam loah ka ngaia puan pan lam deuh chu ka sin nghala, tawng lo chuan a ding reng a, a hrilhhaithlak hle mai. Ka hlauhna chu a zual sauha, kawngkhar lam panin a kala, ngun taka ka en lai chuan min lo melh let ve bawk” tih a sawi.

“Kawngkhar bul a thlen chuan thawm pawh neilo in a bo ta maia, mak ka ti tak zet” tiin. Graham chu thla a awm tak tak ringloberte zing ami a nia, he a thil tawn atang hian thla chu a takin a lo awm ngei a ni tih a pawm nghet ta a ni.

Graham Norton chuan “Thla a awm tak tak tih chu ka ringhlel ta cheu a, ka mit ngeia ka hmuh ni mahse, ka mit chu ka nuai sauh sauh engmah a ni lo ka ti leh ngat a ni” a ti a ni. Hemi zan hian an thenawmnu chu a damlo nasa maia thih ngamin a na tih a hnuah a hrechhuak ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!