Your Daily News

Zan Tlai Tak Thleng Chau Tak Chungin A Pain Lehkha Zir Tura A Tih Hnuah Dawhkan Bawhin Harhchhuak Tur Awm Loin A Boral Hlen!

0 2,278

Naupangte hi an dinhmun hriatthiam a tulin, an ngaihtuahnate leh an theih chin thlengin hriatsak an mamawh em em a ni. Kan fate kan nawrluih vak hian a tawpah harsatna namenlo kan tawk thei reng a lo ni.

Mr. Huang leh a fapa kum 9 mite chu dawhkan pakhat kilin, a fapain sikul a Homework a neihte chu enpuiin a thutpui tih an sawi. Tianga an pafa a lehkha an zirdun mek lai chuan a fapa chuan Mr. Huang hnenah, “Pa, ka chau tawh lutuk, ka muthilh a chhuak tawh nia” a ti a.

A pa chuan Zan Dar 11:30pm ri tawh mahse a fapa chuan Homework a zawh rih loh avangin bei fan fan turin a hrilh a, chawlh a phalsak ta lo a ni.

Mr. Huang chuan a fapa mutchhuak chau bawk si chu tihharh tumin choka lamah bawnghnute in tur lalsak tumin reilote a kalsan a, a lo kir leh chuan a fapa chu mihring a chang zo ta lo a ni.

Bawnghnute la a Choka atanga study room lama a lo kir leh chuan a fapa chuan dawhkan a lo bawh a, a pa chuan hmanhmawh tak leh hrilhhai tak chunga kaihthawh tuma a beih ngial pawhin a kaitho zo ta lo ani. A fapa duat lai leh a hmangaih em em mai chu a chan ta der mai!

A pa Mr. Huang sawidanin, hemi zan hian a fapa kum 9 mi chuan Maths assignment a nei nual tih a sawi a, a tih tur a tihzawh hma chu mu rih lo tura a tih hnuah, a fapa chungah vanduaina a thleng zui ta a ni tih a sawi. An pafa hian an lainatawm kher mai!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!