Your Daily News

Zahmawh Rawngkai An Khaw Hming Chuan Khualzin Leh Media Lam Ngaihven A Hlawh Uchuak Avangin A Hming Thlak An Tum

0 316

Austria rama khaw te takte a hming zahmawh rawngkai “F—king” chu khualzinte leh media lamten an ngaihven em avangin tualchhung thuneituten a hming thlak danglam turin thutlukna an siam fel tih hriat a ni.

German ramri hrula awm mi 100 chuang hret chenna F–king khua chu January 1, 2021 atangin a hming ‘Fugging’ tia thlak a ni dawn tih sawrkar thuneitute chuan an sawi.

Tualchhung hruaitu lu Andrea Holzner chuan “Chhiar pawh ka chhiar peih tawh lo, khawhming ziahna thirphek pawh an ru bo ziah thin. A hming avang hian media leh zinmiten an ngaihven over a, hei vang hian a hming thlak chu duhthusam a ni. January 1, 2021 atangin Fugging tia thlak a ni tawh dawn” a ti.

He khua hi a hming a danglam em avangin zin mite leh media lam chuan social media lama post atan a hmunah kalin khawhming an tarlanna bulah zahmawh rawng kaiin thla an la thin tih an sawi.

Holzner chuan an khaw hming ziahna signboard pawh mi awmthaloten an la bo ziah thin tih a sawia, a hming thlak a nih hnu chuan an harsatna tawh thinte pawh a ziaawm a beisei thu a tarlang bawk.

He khaw hming hi 6th Century hun laia a khaw dintu Focko hming chawia vuah a nih an ring a, 1982 vel atang khan F—king tia koh tan nih thu an sawilang.

Austrian Census atanga a lan danin he khua ah hian mi 102 an awm mek a, in 32 bawr vel a awm bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!