Your Daily News

YouTuber In Sum Duh Avangin A Livestream Laiin A Bialnu Rai Lai A That

0 5,118

Russian YouTuber pakhat chuan a Live mek laiin a bialnu naupai mek chu rawng taka a thah avangin police-ten an man nghal tih hriat a ni.

Stas Reeflay kum 30 a upa chu YouTube kaltlangin a Live tih hriat a nia, hetih lai hian amah lo thlirtu (viewer) pakhat chuan sum $1,000 a pek hnuah a bialnu rai lai chu hreawm tawrhtir turin a nawr tih Baza Media chuan a tarlang.

A bialnu Valentina Grigoryeva kum 28 mi chu a Live stream laiin a in luah lai Moscow bul, Ivanovka thingtlang khua verandah-ah thawmhnaw inbel miah loin kekawrte nen chauh khawvawt karah rei tak pawnah a dah a, khawvawt tuar loin a boral zui ta a ni.

YouTuber Stas Reeflay— a hming tak Stanislav Reshetnikov chuan a bialnu Valentina chu a thi tawh ah a ngai chung pawhin a YouTube Camera chu a off duh lawk lo tih an sawi. A bialnu thi tawh chu a paw zui a, a thawk a la em tih a endik laite chu hmuh theihin a awm a ni.

“Valya, Valya, Valya, I tha em? Eng ni ta le? I thi chu ni em lo maw? Thil engemaw min han hrilh teh ka lungngai nia, i lungphu a awm ta lo” tiin a tawngchhuak zui bawk.

A bialnu Valentina chu a thi fel tih a hriat hnuah a viewers-te hnenah “Thiante u, a marphu a awm ta lo. A thawk pawh a la tawh lo a ni” a ti bawk.

He thil duhawm lo tak thleng avang hian Russia ramah online lama a taka thihna leh pawikhawihna thleng thin chu tihtawp anih theih YouTube chu khap turin mipui thinrim an auchhuak nghal tih hriat a ni. Heng pawikhawihna rapthlak tak tak ang chi te chu khap anih loh avangin naupangte chenin awlsam takin an hmu thei vek a ni.

Stas in a bialnu rai lai thi tawh buaipuia, Ambulance a koh lai velte chu a followers sang tam takin an thlir thup mai a ni. A bialnu thattu Stas chu kum 15 tâng tura hremna pek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!