Your Daily News

Mobile App ah chhiar theih in a awm e

WHEELCHAIR SAWNTUIN NGAIHDAM A DIL LEH

0 44

Thai chhak lam Chuanpuri khawpui shopping centerah Thai milian pakhat chuan a motor parkna tur daltu motor kethumnei  chu a dahsawn a, mahse ti dik lo zawka a inhriat avangin ngaihdam a dil leh a ni.

Nombel an tih kut ke kim lo chuan he shopping malla achaw eina hmun atang chuan a motor kethumnei an dahsawna tunlai motor manto chi a dur in park, a chhung atang hmeichhia leh mipa an rawn chhuak chu a lo en reng a ni.

A motor kethumnei chu a piah deuhva an dah sawn lai chu video a la a, ‘Ka motor kethumnei chu dahsawnin motor mantova chuang chu hmun tha in pe, keimah anga awm ve in duh em ni?’tiin a facebookah a post a, rang takin websiteah a darh ta si a, shopping mall neitu chuan ngaihdam dilin a dahsawntu chungah mawh na tak an lak tur thu a sawi.

Tlailamah chuan shopping mall neitu, hnathawktu leh, motor manto neitute chu Nombel hnenah lo kalin ngaihdam an rawn dil a ni. He milian hi Malla rawn kal reng thin a nih avangin customer ang deuhvin an indawr a, hmundanga parkna tur a awmloh takah chuan a lo dahsawn palh thu leh, tin kethumnei neitu hi piangsual a nih leh nih loh a lo hriat loh thu leh, mi pangaite motora a ngaih vanga tipalh nih thu te, Mall thuneitute hremna chu lawm taka a pawm tur thu sawiin ngaihdam a dil a ni an ti. Kan ramah hian chutiang chu engtikah nge a thlen ve ang le?……

source ‘DVB’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com