Marcus King-a chu basketball infiam turin a chhuak a, naupang pakhat kawrha mumal lo a, zanthim vur thla hnuaia infiam a hmuh chuan naupang hnenah a va kal hnai a, engvanga kawrha mumal lo a zanthim vawt lutuka infiam nge anih tih a va zawt a ni. Naupang hian a nu chu in chhungah hun rei tak a mut tawh thu leh a infiam pawhin engmah sawi lo a nu a ngawih mai mai thu chu mr. king-a hnenah hian a hrilh bawk.
Mr. king hian naupang thawm a hria a, zanthim hnuaa naupang amah chauha a awm avangin a ngaihtuah hle a hmeichhe naupang hi ava pan ta chawt a ni. Naupang hian jacket a ha lo a, pheikhawk pawh a bun loh avangin in chhungah ka hruai lut ta ani tiin Fox 13 hnenah a sawi.
Building a hnathawktute chuan US city of Ogden, Utah police an call nghal vat a, hmeichhe naupangte in chhung an va luh chuan nu pakhat kum 41 bawrvel ruang an va hmu a ni, police te chuan naupang hi infiam tura kawnga a rawn chhuahhma darkar 24 atang tawh khan a nu hi a boral tawh niin an ngai.
Police Lt Tim Scot-a chuan naupang Emily-i nu boral chhan hi damdawi vang anih an rin thu pawh a sawi tel bawk, Emily-i hi a pi -in a enkawl turin a la nghal bawk tih News4utah chuan a sawi.