Your Daily News

Internet kaltlanga a mipa ngaihzawn chu a chhungte duhpuina tel loin pasal atan a thlang tlat a >>>

0 1,429

Vietnamese nula hmeltha, a zirna sikul ah pawh hmeltha leh duhawm tia an sawi thin Nguyen Van Anh tia koh chuan a chhungte duhloh zawng tak pasal atan a thlang tih hriat a ni.

Nguyen Van Anh leh a pasal chu internet kaltlangin an intawng a, thla 10 lai mai online kaltlanga an inngaihzawn hnuah inlaichinna thuk zawk nei turin an 2 chuan thutlukna an siamfel ta a ni.

Mahse, hetih lai hian nula hmeltha Nguyen Van Anh chu a pasal neih tur chungchangah a nu leh paten ngaihdan siamthiam har an ti hle a, internet kaltlang a tlangval ngaihzawn chu eng ang mihring nge ni ang tiin inneih an remtihpui mai thei lo a ni.

An fanu Nguyen Van Anh chu nula pangai tak mai niin, Hanoi University of Technology atanga zirchhuak ngat a ni nghe nghe. An fanu chuan a pasal tur atana a thlan Russian tlangval Deng Gang chu rinhlelhna nei hauh loin leh a chhungte remtihpuina tel loin pasalah a nei zui ta a ni.

Russia rama a bialpa Deng Gang pasal a nei turin Vietnam atangin a thlawk chhuak a, a bialpa te chenna hmun a thlen meuh chuan, a pasal chu sumdawng hausa leh milian zet a ni tih a hrechhuak thuaia, chhungkaw pangai tak leh mi rintlak tak chhungkuaah mo ni turin a lawi lut ta a ni. Mi vannei tak zawng a ni e!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!