Your Daily News

Video: Rukru Silai Keng Vaukhanna Aiin A Ar Ruh Khel Lai Chuan A Ngaihtuahna A Luah Hneh Daih Zawk. Viral Video

0 1,051

Pa pakhat rukruk ching chu silai kengin Restaurant ah a luta, a chhunga thu chaw lo eite chu silai nen vaubetin, an thil neihte a dil tih hriat a ni. Hetih lai hian pa pakhat chu ar sa eiin a ruh a lo khel meka, rukru khawsak dan chu ngaihsaka hlauh a hnekin a ar ruh ken lai chu a khel mawlh mawlh mai a ni. He CCTV video hi social media lamah a darh zui tih hriat a nia, mi tam takin pa an ti hle.

CCTV Footage darh ta atanga a landanin, restaurant a arsa lo ei pa pakhat chuan FILA hoodie kawr a ha, ar ruh a khel lai tak chuan rukru helmet khum silai keng chu restaurant chhungah a lut a. Rukru chuan silai nen vauin a nghawnga chain a awrh chu a pawt vela, engah mah a ngai lo a ni ber, a ar ruh khel lai chu thlamuang takin a khel chhunzawm mawlh mawlh mai a ni.

Rukru chuan an phone a kutah hlan turin a vau hlawma, a kianga awm ve midangte chuan an lo pe sap sapa, a ar ruh khel chungin muang zetin a hnuah a pe ve chauh a ni. A nunna atan a hlauhawm tih chu a hriat ngei a rinawm.

He viral video hi June 17 a darh zui ta kha niin, an tawngkam chhuak atanga a landanin Spanish lam an nih rin a ni.

He video hi a darh hnuah miten an en nasa hle a, viewers thahnem takin an react nghe nghe. Viewers zinga mi pakhat chuan “Silai mu pawh hlauhna chang hrelo khawpa arsa buaipui chu, ka rin danin he restaurant arsa hi khawvel arsa tui ber a ni ngei ang” tiin comment a pe nghe nghe. Video:

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!