Your Daily News

Video| Pawngsual Avanga Thi Ta Flight Attendant Christine Agelica Dacera Hun Hnuhnung CCTV Sulhnu Pholan A Ni

0 3,715

Thlawhtheihnaa hna thawk lai hmelchhe hmeltha tak Christine Angelica Dacera kum 23 mi thihna chuan Philippines ram mai bakah khawvel hmun dangah pawh ngaihven a hlawh hle.

New Year’s Party an neihna hmun hotel room-ah vanduaithlak tak maiin he nula hi nikhawhrelova bathtub hmuh a nih hnuah a hliam tuar loin damdawi inah a boral zui ta a ni.

A thihna kaihnawihah hian mipa 11 lai mai chu pawngsual thubuai siamsak an nia, an zinga mi 3 chu man an ni tawh nghe nghe. He New Year’s Eve lawmna party-ah hian Christine Angelica chauh hi hmeichhe tel ve awmchhun a ni a, a thiante hi tuai hlir an nih thu an sawi.

Party an neihna hmuna tel kum 34 mi Gregorio Angelo Rafael ‘Gigo’ de Guzman chuan thil thlendan a sawichhuak ve ta ani. Christine thiante hi gay vek an nih thu a sawi a, zinglam dar 3 velah thlawhtheihnaa hnathawk Christine hi bathtub ah nikhawhrelova an hmuh thu a sawi. He thil thlen lai hian amah chu a mu tawh niin a tarlang bawk.

Party-na hmuna telte chuan Christine chu an pawngsual loh thu an sawi a, a chhan pawh an vai hian gay hlir an nih thu a tarlang bawk. An zinga pakhat Valentine Rosales chuan CCTV video khawih danglam loh chu a pholang zui bawk.

An vaiin zu an in thu an sawia, damdawi ruihtheih lam erawh an tih loh thu an police-te hmaah an sawi. Vanduaina tawk ta hmeichhe chhungte chuan an fanu thihnaah thudik hailang ngei turin thuneitute an phut tlat tih an sawi. CCTV footage hi lo thlir ve la. Video >

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!