Your Daily News

Video| Nuate In Bawnghnute A In Duh Loh Avangin A Nupui Thlalak A Hmaiah A Bela, A Fawp Duh Leh!

0 2,009

Nu hmangaihna nasatzia hi hre pha lo tam tak kan awm ngei in a rinawm. Nausen pawh nu tello chuan a tlei thei mawlh lo! Nausente hian mak tak maiin hnute an hnek lai leh bawnghnute siamchawp an fawh lai pawhin nu mitah tak an en kar thin. Nu hmel an hmuhloh zawngin an ngaih a tha bik hauh lo a ni.

China, Jiangxi Province-ah nu pakhat chu thil pawimawh tak a awm avangin in chhuahsanin pawn lamah a kal chhuak a, a pasal leh a fate chu in ah an awm thung. Nu ber a chhuah hlan chuan an naute chu a thangharh thut maia, hnute tui ngaiin a tap ta vak tih an sawi.

Pa ber in bawnghnute a siamsak a, hnektir a tum meuh chuan a tah a zual emaw tih mai tur a ni, a chhan pawh a nu hmel a hmuh loh vang a ni. Pa ber ngaihtuahna fing tak chuan iPad chhunga a nupui thlalak chu a la a, a hmaiah vuahin an naute tap chu hnute a hnektir ta a ni. Nausen tê pawh chuan a nu hmel a hmuh veleh tah a bang thuaia bawnghnute pawh chu a fawp zui ve ta a ni.

Naute chuan iPad chhunga a nu thlalak chu a nu tak tak emaw a ti a, a hmai chu thamsak a tum tih an sawi. Chinese pa in naute bawnghnute a pek dan fing tak mai chu Online lamah an vawrhlar hnuin mi tam takin mak an tiin an lawm phian a ni.

He thil duhawm tak hi December 27, 2020 a thleng niin Mail Online chuan a tarlang. Brazil patling pakhat pawhin China pa ang hian an naute chu bawnghnute a lo fawhtir ve tawh tih hriat a ni. A hmaiah a nupui thlalak a bela, pawnfen leh hmeichhe kawr ha in naute chuan bawnghnute chu a fawp ve zui tih an sawi. Naute chuan a pa chu a nu ah ngaiin a tah a bang thuaia thinrim zetin bawnghnute chu a fawp zui ta a ni. (Video)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!