Your Daily News

Video| Mike Tyson’an Thanksgiving Arsa Aiah A Khingpui Tur Roy Jones Jr Lu Leh Beng Lem A Ei

0 942

Boxing ngainatute nghahhlelh em em mai Tyson Vs Roy Jones Jr inkhuainuai hun thlen hmain mipuite chawhphur nan boruak tilum lehzual turin Mike Tyson chu maksak takin a che leh.

Tyson chuan ‘Thanksgiving with Mike Tyson’ video tawi siamin Thanksgiving a an ei tur Arsa aiah cake, Roy Jones Jr lu lem ang a siam a ei leh hmiah. A video ah hian a fate pawh a eitir bawk.

He video ah hian a fate nen dawhkan pakhatah chaw an kil tlang a, “Mihring beng hi tui ka ti ber” tiin Roy Jones Jr beng lem chu chemtein a hlep thla a a ei zui ta a ni. Beng lem a ei lai mek hian “Evander beng aiin tui ka ti zawk” a la ti zui.

Hriat tawh angin 1997 kum khan Evander Holyfield nen an in hnek tumin a beng a lo seh sak tawh a nih kha. He thil thlengah hian mi tam tak chuan Evander khan Mike Tyson kha a luin a lo tauh nasa niin an sawia, a ngaihna a hrelo chu a beng a sehsak ta ngawt tih an sawi a ni. Mike Tyson thiamloh a ni vek bik lo an ti ve bawk.

Tunhnai mai pawh khan Fox News zawhna a chhannaah Evander kha thih thlenga seh ka tum ani a tia a chhan pawh a lu a hmang tangkai thiam lutuk tih sawiin Tyson chuan “Ka lu a hai zo” tiin a sawi nghe nghe.

Hriat tawh angin Roy Jones Jr nen November 28 lo thleng turah an in hnek dawn a, Exhibition match ani nachungin thlirtu mipui mit tlai thei ang ber tura in fight an tum thu an lo sawi tawh a ni.

An in hnek hun tur hi November 28, zing lam dar 4 GMT ah a ni dawn a, Online kaltlanga en duhte tan PPV man ($49.99) pek a ngai thung. VIDEO

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!