Your Daily News

Video | A Nupui 3-te Puihnain Nupui 4-na Tur A Zawng Mek

0 325

Pakistan ram, Sialkot hmuna khawsa Adnan kum 22 mi chu nupui 3 nei lai mek niin fa 4 a nei tawh nghe nghe. Tunah hian a nupui 3-te puihnain nupui 4-na tur a zawng leh mek tih Pakistan Daily chuan a tarlang.

Adnan hian kum 16 a nihin a nupui hmasaber a neia, kum 4 ral hnuah nupui dang a nei leh a, 2019 khan a nupui 3-na tur a nei leh bawk. A nupui 3 leh fate nen in khatah an chenghoa buaina engmah an nei lem lo a ni.

A nupui 3-te pawh unau ang maiin an inngainaa, an inkarah inhuatna leh rilru lama inhmuh thiam lohna an nei lo tih hriat a ni. A nupui 3-te hming chu Shumbal, Shabana leh Shadida-te an ni. A nupui hmasa 3 hming chu ‘S’ hlira a intan avangin, a 4-na tur pawh a hming ‘S’ atanga intan an zawng dawn tih pa ber chuan a sawi.

Adnan sawidanin nupui 4-na tur a zawn mek chu a nupui hmasa 3-te pawhin an remtihpui tih a sawia, a nupui tur zawn hna pawh an thawhpui dawn a ti a ni.

Heng inchhung lam hna nau awm, thlengsil leh neuh neuh bakah eirawng bawl leh insukfai hnate chu an insem den dena, an hna theuh rinawm takin an hlen thin a ni. Adnan chuan nupui 3 a neih avangin sum lamah harsatna a neilo tih a sawia, malsawmna a dawng zawk tih a tarlang ve tlat.

He thil hi a tak a ni tih i fiah duh chuan a hnuaiah video a awm e. ⬇️

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!