Your Daily News

US TV Personality Leh Host Ni Bawk Steve Harvey Zawhna Chuan Miss Universe 2021 Winner A Barakhaih!

0 7,175

India chuan kum 21 zet liam hnuah Miss Universe lallukhum khum thei nula chhuanawm Punjab nula a rawn vawrhchhuak leh ta! A hmain India chhulchhuak actor Sushmita Sen leh Lara Dutta te chuan Miss Universe hnehna lallukhum an lo khum tawh bawk a ni.

Miss Universe a vawi 70 na inelnaah hian ram 80 atangin Contestant te an fuankhawm a, heng contestant tha tak takte zingah hian India nula chuan Miss Universe Title chu a hawn ta a ni.

Chandigarh model Harnaaz Sadhu kum 21 a upa in Miss Universe lallukhum a khum ta chu lawmpuitu an thahnem hle a, Miss Universe pawhin ngaihven a hlawh phah hle bawk. Mahse, hetih lai hian US TV Host leh Miss Universe 2021 host ni bawk Steve Harvey zawhna chuan Ms Sandhu erawh a barakhaih hle thung.

Ms Sandhu in hnehna a chan hnu hian, a zawhna dawn chuan sawi zui a hlawh hle! Host Steve Harvey-a’n Ms Sandhu zawhna a pek chuan amah Ms Sandhu ngei pawh a barakhaih hle a, heng ang zawhna hi dawn a inbeisei loh thu stage-ah a sawichhuak nghe nghe.

US TV personality Steve Harvey chuan Miss Universe contestant ve lem, Ms Sandhu chu rannung zia nunchan zir turin a ti ta tlat pek a, Ms Sandhu chuan Steve zawhna chu chhan a duh si loh avangin Zawhte miau in a miau zui ve ta a ni.

Steve-a’n he zawhna hi mipui thlirtu lam chawhphur nan a tih a nih ngei a rinawm a mahse, thlirtu tam tak chuan zawhna pawimawh tak tak a awm teuh laia, rannung nunchan zir tura zawhna a pe ta mai chu Miss Universe winner ve lem tan chuan a ho lulai deuh a ni tiin internet lamah sawi a tam em em mai a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!