Your Daily News

US PRESIDENT NIH TUM THE ROCK

0 928

The Rock’ tia hriat lar Dwayne Johnson chuan kum 2024-a US president thlan hunah chuh ve a tum thu a sawi mauh mai. 9

American film star Dwayne ‘The Rock’ Johnson chuan, “Politics hi sumdawnna a ni lo a, mipui rawngbawlna a ni. Mihringte hian hmasawn zel kan mamawh a, thil thar tawn hi hmasawnna pakhat a ni” tiin politics chu a tan thil thar a nih thu a sawi. The Rock hian World Wrestling Entertainment (WWE) aṭangin bul a ṭan a, a hun lai chuan a lar ber tih ngam hial a ni. WWE-a sulhnu ṭha tak a neih hnuah film industry a luhchilh a, a hlawhtling zui hle. Tun hnaia actor sum lalut hnem tihchhuahah khan pahnihna a ni a, a sum lakluh pawh $mtd 65 zet a tling. Film star hlawhhnem nih ringawtah a ala duh tawk lo cheu a, tunah chuan politics lam a sawi ri leh tawh.

Johnson chuan, “Kum 2024-ah U.S president thlan a ni leh dawn a, a phurawm tawh hle a ni. Kum 2020 aṭangin office te dina president chuh tura inbuatsaih ka tum a ni” tiin tun hnaia interview-ah a sawi. Politics lamah hian a lo mikhual lutuk tawh bik lo a, US-a party lian pahnih Republican leh Democratic convention-ah a lo tel ve ve tawh a, hei hi amah pawhin sawi nuam a ti hle.

Hetih lai hian American actor lar Tom Hanks pawhin ‘Saturday Night Live’-ah president chuh a tum thu a lo sawi tawh a, a fiamthu thawh hi mi tam tak chuan an lo ngai thutak hman. Johnson pawh hi a fiamthu nge thu tak tih hriat har tak a niUS

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!