Your Daily News

US President Donald Trump Man Theihna Thupek Iran In Tichhuak

0 392

Iran sawrkar chuan an sipai general Qassem Soleimani thihnaa mawhphurtu leh bultumtu ber ngaih Donald Trump man theihna thupek (Arrest warrant) a ti chhuak ta. Pu Trump bakah hian an general thihnaa inhnamhawih mi politics a mi challang leh sipai hna chelh lai mi 35 hming pawh a tichhuak bawk.

Iran chuan he thilah hian Interpol chu hmalaa pui turin a ngen nghal bawk. He thu hi Tehran prosecutor Ali Alqasmehr chuan Monday khan a tichhuak tih Far news Agency chuan a tarlang.

A hmain he thila hmalakna ang chite chu United States leh Interpol lam chuan an lo hnawl tawh a ni. United States chuan General leh Revolutionary Gaurd’s Quds Force, Qassem Soleimani chu Janaury 3, 2020 khan drone hmanga beiin an that ta a ni.

Washington chuan Soleimani chu US sipaite beihnaah khan bultumtu leh hmahruaitu ah puhin a bei zui ta a ni. Alqasimehr sawidanin he warrant hi tualthah leh a ruk a rala chetna (terrorist act) ah a ngai tih sawiin Donald Trump leh mi 35 -te chu man an nih theih nan Interpol pawh hma la turin a ngen nghal bawk ani.

US Iran Envoy Brian Hook chuan he thu hi Saudi Arabiaa News Conference neihnaah ngaihdan leh duhdan thehlarna mai a ni tih a sawi ve thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com