Your Daily News

US LEH RUSIA A KHUM THEI TAK TAK ANGEM?

0 626

Hun thar ralthuam hmanraw changkang lama inelnaah hian US, Rusia leh China ramte hi tunah chuan an intluktlang vek a ni. Ram chhung inelna, thian siam lama inelna leh Tuifinriat ramri lama inelna te avang hian China chuan kum 1990 atang khan ralthuam changkang siam hna chu a urhsun leh zual ta a ni.

President Xi a rawn lal atang phei chuan US leh Rusia te umphak tumin a bei nasa leh zuala khawvel ralthuam nei tha ram a lo ni ve ta a ni. Tunah ngat phei chuan a tlukpuite aia hma a sawnna pathum a awm an ti.

1.Tui sipai chakna: Kum 2018 atang khan China Tui sipaite hian high personage a ri aia chak ralthuam liante phur thei lawngpui a siam thei tlat. Hemi indo lawngpui atang hian electronic magnet tha hmanga rang lutuka kap thei Railgun pawh a phur thei a ni. He electronic magnet tha hmang Railgun hian mel 124a hla pawh second khatah mel khat leh a chanve a chakin a kap thei a nih chu. CNBC sawi dan chuan 2025 kum tirah chuan a takin an hmang thei dawn  a ti. US,Rusia leh Iran ramte chuan lei atanga kah thei Railgun siam an tum laiin China chuan lawnga phurh theih chi siam a tum daih a ni. US chuan kum 2012 ah khan hetiang hmanrua hi a lo chin tawh a ni. An um phak tak tak angem?

2. Ri aia chak missile a siam thei: Kum 2018 August thlaah khan China chuan eng missile defense pawh tawn tlang thei ri aia chak thlawhtheihna a chin diam tawh thu a sawi.Wave raider an tih thlawhna hian vansangah kawlphetha chi khat a chhuah tir thei a, chuveleh ri aia chakin a thlawk ta a ni an ti. Wave raider hian van sang km 30 chu darkar khatah km 7344 a chakin a chho thei a ni.

3. Bomb zawng zawngte nu an siam: US in MOAB bomb lian an siam ang bawkin China pawhin Bomb zawng zawngte Nu tih bomb lian tawk an siam chhuaka 2018 December khan an tipuak chhin tawh a ni. He bomb hi NORINCO company siam a ni a, H-6K thlawhnain an phur a, an thlak chhin a ni. He bomb hi meter 5 atanga meter 6 vel, a nih laiin America siam bomb kha meter 10 vela (feet 32) a ni an ti, an umphak tak tak dawn em?

China hian 2017 khan DF-17 high personage missile a siam a, km 1800 atang 2000 thleng a kap thei.

Hei hi US MOAB bomb pui a ni.

source ‘BBC’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!