Your Daily News

US CHUAN VENEZUELA KHAWNVARTUI COMPANY A KHAR

0 289

US sawrkar chuan President Nicolasa sorkar chu harsatna siamin Venezuela ram ta Khawnvartui company chu an khar sak ta a ni. Opposition hruaitu Juan Guaido chu engtinnge kan thlawp dawn tih ngaihtuahhona pawh Canadaah neih an tum a ni.

Venezuela ram ta PDVSA khawnvartui company chu America ram chuan an hrem thu National security advisor John Bolton leh ministry of treasury Stevente chuan nimina white housea mediate an kawmnaah an puang a ni. An kharsakna chhan tak chu dinglai president Nicolas paihthlak a nih theihna tur leh opposition hruaitu Juan Guaidoa a thlin theih nan tih a ni.

Presiden Nicolas avanga mipui rethei taka an awpbehna, economic lama an tlakhniam zel hi atulna kan hre lo, Venezuela mipuite thil neih Nicolasan a laksak zel hi kan duh lo, mipuite ta chu kan humhimsak tur a ni tiin he khawnvartui company hi kan kharsak a ni an ti. Tin America ram chhunga he company thil neih zawng zawng pawh khawih theih lohvin kan dah vek dawn a, he company nena inkaihhawih company pawh kan kharsak dawn a ni an ti.

Opposition hruaitu Juan Guaido hi engtinnge kan dawm chhoh dawn tih relhona chu tun February ah Canada ramah Latin America ram (13) insuihkhawm pawl ‘Lima’in kan nei dawn tih Canada chuan a puang.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!