Your Daily News

UIIN RAIPUAR PAKHAT THIHNA ATA CHHANCHHUAK !!

0 1,266

Ui te hi thilsiam zingah chuan a fing ber pawl an ni awm e.Mihringin kan ngaihtuah phak bakin thil tih nachang an hre thin.Mihring taksa a natna awm,Cancer ngeite pawh an hre thei ani.Anmahni duattu leh hmangaihtute chu an hailo hle bawk.

Ui pakhat,a hming Keola tih chu Ricky leh Alhanna ten an enkawl a,an hmangaihin an chhungkaw zinga mi ang maiin an enkawl ani.Tunhnai mai khan Keola chuan a pi a rai thu chu lo hre ve in,a phur zia pawh a tilang nasa ve thei em em a.Mahse engemaw tak thil diklo thleng tur ang maia awm chang erawh a nei thin ani.

Alhanna chuan a hnungzang hnuai lampang na a tih thu a sawi thin a,a in check-up na ah pawh a sawi nghe nghe ani.Mahse Doctor chuan rai lai chuan a awm ve reng tur anih tih lo hrilhin Alhanna pawh chu rilru dam takin a haw leh mai a.

Mahse Doctor ai chuan Keola chuan thil awmzia a hre ngei mai.A pi hnungzang na tih avang chuan engemaw thil diklo a awm ani tih a hre nghal mai.Alhanna chuan a ui duat Keola awmdan danglam pawh chu a hai lo,mahse a chhan awm ang tur a hrethiam lo thung ani.

“Ka hma ah thu in,min ngaihtuah hmel zet hian min en leh vung vung zel.A awmdan avang chuan nuam ka ti vaklo a,Facebook ah chuan a awmdan mak tak chu fiamthu titih deuhin ka post a. Mahse mite chuan ka ui awmdan danglam chu engemaw tak vang ani tih an rin thu leh ngai ho lo turin min hrilh ani ” tiin Alhanna chuan a sawi a.

Nitin chuan Keola chuan thawm bengchheng a chhuah ta reng a,Ricky leh Alhanna pawh chuan an uiin engemaw tak hrilh a tum ngei anih an rin thu an sawi.

“Tumahin,kei ngei pawn,ka natna chu a lo serious viau ani tih kan hre lo.Mahse Keola chuan a lo hria in nasa takin hrilh min lo tum nasa thei em em ani ” Alhanna chuan a ti.

Vanneihthlaktakin,Alhanna chuan a ui awmdan chu a ngai thutak ta tulh tulh a.Doctor hnenah kalin research thuk zawk neiin ,a result chuan Doctor ngei pawh mak a tih tir ani.Alhanna chu thihna kotlang ah a lo ding reng ani!

Alhanna chuan a rai avang chuan Bilateral Niphritis natna lo veiin hnungzang natna nasa tak a pe a.Chu aia mak leh zual chu Doctor chuan natna hrik danglam leh vang tak a hmu tel bawk ani.Alhanna hi ni tlemte in lo tlai ta se,mitthi tia sawi tawh tur ani tiin an tarlang.

Keola rinawmna leh fimkhurna chuan a pi nunna chu a chhan ani ta ber e.Tunah chuan Alhanna chuan naute mipa duhawm tak neiin hrisel takin a awm ve tawh ani.Alhanna chuan a fapa Lincoln chu Keola chuan a veng reng dawn ani tih hriain lungmuang tak pawn a mutthilh san ngam thu a sawi lang bawk ani.

Hei vang hi alawm “Uite hi mihring thian tha ber” tia an lo sawi thin.Chuchu Keola hian a nemnghet ngei bawk ani.I ui chu tiduhdahin enkawl tha lo mah la ,anni chuan an veng reng tho ang che.

Credited;Chanchinthar-Lawrkhawm

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!