Your Daily News

Ui Rinawm Tak Chuan A Pu Boral Tawh Chu A Thi Tawh Tih Hreloin Damdawi In Chhung A Mutna Khum Bulah A Nghak Reng!

0 618

Uite hi mihringte tan thiantha ber leh rinawm ber an va ni teh lul em! Hospital pakhatah ui rinawm takin a pu boral tawh a ngah reng lai thlalak hian mi tam tak mittui a ko chhuak hial a ni.

New Jersey Damdawi in pakhat ah Labrador thlah, ui rinawm tak Moose tia koh kum 3 a upa chuan a pu thi tawh a nghak reng tih hriat a ni. A pu chu a thi tawh a, engtikah mah lo kir leh tur a ni tawh lo a ni. Mahse, pute tana nun hlan ngam ui rinawm tak mai Moose chuan a pu chu a thi tawh tih hreloin damdawi in chhunga a mutna khum bulah chaw pawh ei loin a nghak ta reng mai ani.

He ui lainatawm tak mai hi a thla an lasaka, Online lamah an thehdarh zui ta a ni. Tianga a thlalak an pholanna chhan ber pawh ui rinawm Moose chu chenna tur a neih tawh loh avang leh amah chawmtu ber a pu a boral tak avangin, amah enkawltu tur pu tha a mamawh tih an tarlang bawk.

NorthStar Pet Rescue lam chuan he ui hi an ngaihven nghal thuai a, a thlalak chu online lamah thehdarhsakin, amah adopt duhte tan hriattirna an chhuah nghal bawk.

Vanneihthlak takin he ui hian mite ngaihven a hlawh nghal thuai a, ni reilote chhungin Moose chuan hmangaihtu leh enkawltu tur a tawng ta nghal tih an sawi. Amah enkawl duhtute hnenah NorthStar Pet Rescue lam chuan lawmthu an sawi nghal bawk ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!