Your Daily News

Ui Bo Lainatawm Tak Chuan Hawna Tur A Hriat Mai Loh Avangin Veterinary Clinic Tlawhin Tanpuina A Dil!

0 735

Ui dum thla 4 a upa chu a chenna in atanga a bo avangin hawna tur a hre mai lova, ran doctor thutna hmun Veterinary Clinic tlawhin a neitupa hnenah tanpuina a dil tih hriat a ni. Vanneihthlak takin Clinic assistant sawidanin ei bo chuan thil ngiat a nei tih a lo hrethiam nghal a, a neitu a zawnsak hnuah a neitu lo kalin in lamah him takin a hawpui ta a ni.

He thil mak dangdai tak hi Central Thailand, Samut Prakan Province a thleng niin, he ui bo hun hi zan Dar 8:00pm vel a ni tih a sawi. Clinic kawngka darthlalang chu ui chuan theih tawpa haiin, tanpui a ngai a ni tih an hre thei ta a ni.

A tir lamah chuan Clinic Assistant chuan ui bo chu in chhungah luh a phalsak mai lova, a bauh nasat avang leh kal mai a tum loh avangin a tawpah chuan a hawnsak ta a ni.

CCTV atanga a landanin, in chhungah ui chu a luh veleh a hlim hmel hle mai a, a mei a thing lap lap a, luh an phalsak ta chu a lawm hle tih a hriat theih a ni.

Ran doctor chuan a hmaa files te endik lehin, he ui bo hian a clinic chu a lo tlawh tawh tih a hre nghal a, a ngaihna a hriat tak loh avangin tanpuina dil turin a pan ta tih a sawi a ni.

Ui neitu Sunee pawhin, a ui vulhte chuan hridanna la turin he Clinic hi an pan ziah thin tih a sawi a, hawna tur kawng a bo tak avang hian mangin Clinic chu a pan ta a ni a ti. Clinic a thawkte zarah ui leh a pi chu hlim takin an intawng leh ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!