Tunlaia Online Kaltlanga Hmeichhiate Suasam Thintu Leh Khawvel Hmeichhiate Huathrawn Influencer Lar Uchuak Chu
Former British American Kickboxer leh Tik Tok personality chanchin hi kan hre theuhin a rinawm. Amah hi Luton a piang niin, hmeichhe haw tlattu leh ngaih thei hauhlotu a nihna hian mite hriat a hlawh lehzual a tih theih.
Online kaltlanga hmeichhiate a chhaihnawmnah fo avangin, Tik Tok influencer hlauhawm ber tia sawi a hlawh hial ani. Tianga hmeichhiate huat tur zawng leh hmeichhiate engahmah ngaihlohna lam hawi tawngkam a chhuah fo avang hian, tunhnaiah milar hmeichhe tam tak chuan Tik Tok atanga paihbo turin awka an chhuah zui tih hriat a ni. Hmanni lawk pawh khan The Project host chuan influencer tihbaiawm Andrew Tate chu social media App Tik Tok atang paihbo thuai turin a nawr nasa hle bawk.
Thil buaithlak tak chu, Andrew hian mipa te chu hmeichhiate lakah a dah chungnung hlarh a, hmeichhiate chu nasa taka deusawhin, nunna nei lo property ang lekah a chhuah zui bawk a ni.
A followers sang tam tak hriatah hmeichhiate chu thil neih ang lek an nih avangin pawngsual pawh pawi a tih loh thu a tlangaupui chiam a, a tawngkam chhuak leh a khawsakdan chu hmeichhiate tan ngaihdam theih chi a ni hauh lo.
The Project host Rachel Corbett leh Australian influencer Abbie Chatfield te chuan Tik Tok lama Anrew chezia chu thangthar lo la awm zel tur tan pawh thil thalo tak leh hlauhawm tak a nih thu tarlangin, a bikin rawlthar te tan hmeichhiate engahmah ngaihlohna leh khawtlang nunah nghawng thalo tak a thlen dawn a ni tiin nasa takin an sawisel a ni.
A bikin thla liam ta lawk atang khan influencer Andrew Tate hian mite hriat a hlawh zual sauh a, a chhan ber pawh hmeichhiate ngaihnep lam hawi leh an mahni selna lam a auchhuahpui thin vang a ni. Andrew hian Tik Tok guidelines bawhchhe mahse an la paih bo chuang lova, eng chen nge hmeichhiate a sausam chhunzawm dawn tih chu mi tam tak thinlung a awm mek a ni.
