Your Daily News

Tunhnaia Social Media Lama Thawm Rawn Nei Chho Ta Cristiano Ronaldo Leh A Chhungte Venhim Hna Thawktu Phir Unaute Hi!

0 2,183

Footballer ropui Cristiano Ronaldo leh a chhungkua venhimhna thawktu phir unau 2 te chanchin hian tunhnai lawk atang khan social media lamah thawm an rawn nei lian hle.

September thla liam ta khan a tumhnihna atana Man United a contract ziakfeltu Cristiano Ronaldo chu Champions League khel turin thlawhtheihnain Switzerland a pana, hetih lai hian an chhungkaw venghimtu Phir unau 2 te chu Airport ah hmuh an ni.

Tun thla tir lam khan Madrid-ah Ronaldo bialnu naupai mek Georgina Rodriguez chuan an fanu Alana Martina kum 4 mi Birthday party a buatsaih a, hetih lai pawh hian phir unau zinga pakhat zawk chu a hmel hmuh a ni leh bawk a ni.

Tianga media lamah an thlalak hmuh a nih tak hnu hian, an chanchin chuan social media lamah sawi a hlawh chho ta a ni. Cristiano Ronaldo leh a chhungkua venhimhna thawktu phir unau 2 te hi tun hmaa Afghanistan rama elite special forces lo zawm tawhte an nih thu puanzar a lo ni ta a ni.

Unau 2 te hi Sergio leh Jorge Ramalheiro te niin, Aghanistan elite force an zawm hnu hian Porgutuese Police hna an zawm leh a, an unau hian politician leh milar te venhim hna an thawk zui ta a ni.

An unaupa 3 na pawh tun dinhmunah Police officer hna a thawk mek niin an sawi. Phir unaute hi SPS Police hna an thawk mek laiin Ronaldo chuan an chhungkua venghim turin a ruai ta hlawm a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!