Brazil ram chhim chak lama thir laihna khurah an tuikuah chim chuan hnathawktute chu a hruaibo nuai a ni awm e. January 25 a chim kha a ni a, tunah chuan mithi hi 34 lai an tling tawh tih Brazil thuneitute chuan an sawi.
January 26 a thudawn dan chuan he tuikhuah peh thut hian hnathawktu 300 lai hruaibo anga ngaih an ni a, nungdama hmuh leh beiseina chu a hniam ta hle a ni. Hei hi an ram chhim chak lam Minex state,Belo Horizonti khaw bula awm Varli thir laihna hmuna thilthleng a ni.
He tuikhuah (dam) chim hian tui leh diak inpawlh ton nuai tamtak chu kalpuiin a bul deuh lawka awm Brumadenew khaute lo ram, thlaichinna ram leh kawngpuiah te a luang thla a ni. Hemi diak hlawmpui hian kawng, in leh motorte a khuh avangin chhanchhuahna hna pawh helicopter 10 chuangin an thawk a ni.
Chhanchhuah hna thawktu pakhat chuan ‘ruang hi kan hmuh belh zel a, nikhatna ringawtah pawn a let thumin an pung’ a ti. Tunah hian mi 300 vel chu an la bo a ni tih an chiang a,mi 170te chu him pialin an chhanchhuak thei a, mi 23te chu damdawiinah an dah. An ram president chuan a han en vata, sipai 1000 tirin chhanchhuah hna chu a thawhtir ta a ni.
source ‘mizzima’
