China, Beijing khawpui a primary school pakhat chu an chawkidar in tubauh nen a bei a, nopang 20 lai a hliam an ti. Kum 49 a upa Jai hian Primary school chawkidar a thawh term a zawh dawn ruaiin thawk chhunzawm leh tura an tih tak loh avanga lungawilo chu school nopang chungah a tuan ringawt tiin Xicheng area bialtu chuan a sawi.
Hliamtuarte zinga nopang pathum chu an hliam na hle a, mahse thihpui tur em chu an awm lo a ti bawk. Hetianga school beihthut thut hi China ramah pawh a hluar tan viau a ni an ti. Ni kum April thlaah pawh Middle school pakhat chuan beihthut a tawk a, school nopang 9 a sat hlum hram a nih kha.
Chutia a beihna chhan pawh, a school kal ve laia an tihduhdah thin vanga thungrul a nih thu a sawi. 2017 January thla pawh khan China chhim lam biala school pakhat chu mi pakhatin chem nen a luhkhung a, 12 lai a hliam tawh bawk.
source ‘VOA’
