White house chuan Trump leh Kimte chu February thla ral lamah inhmuh an tum thu an sawi chhuak a, amaherawhchu a hmun tur an la sawi lang hrih lo a ni. North Korea nuclear hmalakna tih tawpna tur meeting an neih tur thu hi Trump leh North Korea nuclear lama an palai Kim Yong Chol te white housea an inbiak hnua thu puan a ni.
Trump leh he North Korea palai, Kima kut dinglam an tih thinte hi minute 90 chhung an inkawm a ni. Trumpa sorkar hian North Korea chungchangah hmasawnna awm ngei turin hma an lak thu white house aiawha thusawitu Sarah Senders chuan a sawi.
Zirtawp ni zing lamah pawh he North Korea palai leh Minister Mike Pompeo chu Washington DC hotel pakhatah an inkawm bawk.
source ‘VOA’
