Your Daily News

Tlangval 2 Thatin Pakhat Zawk Chu A Thah Hmain A Pawngsual Hmasa Zet

0 6,107

Russian nula kum 22 mi chuan tlangval 2 a thah avang leh tlangval pakhat zawk chu suahdur hmanga a thah hmain a pawngsual zuia, he a thil tih rapthlak tak avang hian thiamloh chantir a ni.

Hmeichhe boxing lam ngaina tak mai Boxer Elina Polvelyaikina tia an koh mai thin kum 22 mi chu mipa 2 te kut thlaka a thah avang hian Russia, Omsk region ah kum 13 chhung tâng tura thawn phei a ni tih an sawi.

Mikhailovka thingtlang khua an chenna inah zu rui pakhat kum 37 mi chu in chhuahsan tura an tih pawhin a kalsawn duh lawk lova Elena thinrim chuan a bei zuia, hmanrua nen hmachhawnin sofa chungah a pawngsual hnuah a that zui ta a ni. A mi that ruang chu inhungchhung atangin pawnlamah a paih chhuak niin court chuan a tarlang.

Pawi a khawih atanga thla 2 liam hnuah tualchhung mite nen zu dawrah zu an in laiin tlangval kum 31 a upa Evgeny Krebenkov chuan Elena pa loneitu Pyotr Povelyaikin chu a deusawh zawnga tawngkam a chhuah avangin a zuankhuma chemtein a vit ta nek maia, a tuk maiah Evgeny Krebenkov chu a hliam tuar loin a thi veleh ta a ni.

Elena pa hi loneitu hausa tak mai a nia, amah hi parawl niin amah leh a unaupa Velary kum 26 a upate chu a enkawl seilian a ni. Loneitu fanu tih takah Elena pawh hian thahrui a ngah hle tih an sawi.

Police-te hmaah dawt hrang hrang hmanga a sualna a phatkual hnuin forensic lam thiamna chuan a dawt sawite chu a hailang ta veka, tun hnuah midangte chungah thihna thlentu a nih duh tawh loh thu a sawi lang ve nghe nghe.

Elena-i Pa

A nu Vera sawidanin a fanu Elena chu an khuaah pawh hmelmaten an hual a ni ber tih a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!