Tinder Kaltlanga A Bialnu Pasal Pawm Lai Nen A In Date Laiin A Pasal Inah Lo Haw Thutin In Tifaitu Lemah A Ṭang Ringawt

Online dating kaltlanga bialpa/ bialnu neih hi a tawpah thil duhawm lo thleng thei reng a nia, chet fuh loh awl tak pawh a ni. Online dating atanga a taka inhmua duhthusam ti puitling ta hi sawi tur an tam lutuk pawhin a rinawm lo.

Reddit user HateChemistry thil tawn hi thil namai lo tak zawng a ni ngei ang le! A hmeichhe hmeltha date mek chu mi nu a lo ni hlauh a le! A pasal awm loh hlana an inhmuh tumin hemi ni kher hian a pasal chu lo haw thutin a hmeichhe date mek leh a pasal hmaah intihfai hnathawktu angin a lang der vel tawp a nih chu!

HateChemistry hian a thil tawn chu tiang hian a share nghe nghe. “Ni reivaklo liam ta khan Internet ah hmeichhe hmeltha zet ka tawnga rei pawh a rial hmain kan kal thuk ang renga, a pasal tripa kal chhuak tur niin a mah hmu turin min sawmna ka dawng ta. Inah amah chauha awm tur angin a in sawi nghe nghe. A pasal chu lo haw thut ta se engtin? tia ka zawh chuan thil a kal fuh loh chuan company pakhat atanga in chhung vel tifaitu hnathawk angin i awm anga, darthlalang leh chhuat te intifai dawn nia min ti ta a ni. Pongal festival a lo hnai tawha a pasal pawhin a ringhlel lo ang tih min hrilh zui bawk.”

“Tianga ruahman mna siama kan in hmuh laiin mak tak maiin a pasal chu minute pawh a liam hmain a lo let leh thuta, a kut pawh vawikhatte mah ka vawn hmain chhuat ka tifai ta thung ani. Tiang hian in chhung tifaitu angin a derin ka lang ringawt mai” tiin a sawi nghe nghe.

Hawn kawngah ngaihtuah a ti tamin a thil tawn chu a va han duhawm lo tak em ve aw tiin a rilru ngaihtuahna vakvel chu a sawi lang nghe nghe. Comment lamah pawh fiamthu ang zawnga lo kalpuitu lah an thahnem ang reng hle tih sawiin minu ngaihzawn chu thil tih chi lutuk a nih loh hmel tiin a thil tawn chu a sawi chhuak a ni.