Your Daily News

Thuneitute Inthlahdah Avangin Covid-19 Natna Vei Mithiruang Freezer-ah An Dah Tawp

0 337

Kolkata, Raja Rammohan Roy Sarani hmunah pa pakhat, kum (71) mi chu a damlohna avangin a thi tih hriat a ni. He pa lainatawm tak hi Thawhtan ni khan a thawk a buai niin an sawi rei pawh rial loin a boral zui ta a ni.

Doctorin he mithiruang awmna hmun hi a tlawh ngei tih an sawia death certificate a issue duhlo niin an sawia, he mithi hi a hmain Covid-19 vei ani tih finfiah tawh a ni tih an sawi bawk. Doctor chuan Amherst Street police station lam contact turin a ti ta a ni.

Mithi chhungte hian police station lam biain police lam chuan Councillor-te be turin an ti leha tianga puihna an dil hnu pawh hian engmah chhanna an hmu lo tih an sawi a ni.

Mithi chhungte zing ami mi pakhatin PTI a hrilh danin Health department lam pawh vawi tam ve an bia tih a sawia Helpline number call chu tumahin a chhang lo tih a sawi. Tianga an dinhmun a lo nih takah chuan a ngaihna an hrelo hlea an mang a ang tak zet a ni.

Mithi dah lailawkna Mortuary lam pawh an bia tih sawiin mithi dinhmun an hriat hnu chuan hma an la duh lo tih an sawi. Tiang teh nuaia an dimhmun a lo nih takah chuan mithi vuina pawh buatsaih ngam loin Freezer ah an dah tha ringawt niin an sawi.

Tlai khawhnuah Kolkata Municipal Corporation (KMC) a thawkte chu mithi ruang dahna hmun lo thlengin Covid-19 natnaa thite phumna hmunah an kalpui tih mithi chhungte chuan an sawi.

He mithi ruang hi Covid-19 natna avanga thite vuidan tur ICMR in Guidelines a duan sa anga phum a ni dawn tih thuneitu lam chuan an tarlang. Pawi thin hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!