Your Daily News

Thuneihna An Chan Hnuah, Taliban Misualrualten Afghanistan-ah Hmeichhe Kum 12 Tling Tawh Phawt Chu pawngsual Tumin An veh

0 1,362

Taliban misualrualten Afghanistan-ah thuneihna an chan veleh hmeichhe naupang kum 12 chenin mipathmeichhiatna salah hruailuh tumin Afghan khawpui kiltin an hrutkual tih hriat a ni.

Report dengkhawng tak atang a lan danin, Taliban fighters te chuan thapui chhuaha Afghanistan ram an run hnuah hnehna an chang ta a, an khawpui Kabul chu an luhchhuah nghal thuaia, khawthlang lam ramte chu khawvel mithmuhah an mualpho der tih The Sun chuan a tarlang.

Jihadi sipaite hian Afghan khawpui chu ni reilote chhungin an thuhnuaiah an dah nghal a, US President Joe Biden leh khawthlang lam ram thenkhatte chu zak in an kun a ni ber mai!

Taliban ho thuneihna hnuaiah hian hmeichhiate chu an him lo zual dawn tih khawvel ngaihdan a ni meka, Afghanistan a thuneihna changtu Taliban te ve thung chuan mipuite tan hlauhawm an nih loh thu sawiin, mi zawng zawng tan sawrkar tha din an duh thu an sawi ve bawk. Mahse, 90’s chho a rorelna an lekkawh lai hun thlir letin hmeichhiate dinhmun chu chhe tak a ni ringawt mai a ni.

Tun tum Afghan buaina ah pawh hian Taliban ho chuan an ze ngai chhuah lehin, hmeichhe pawngsual tur leh mipathmeichhiatna sala talawhtir tur an dap leh meka, hmeichhe kum 12 chenin zuah an tum hauh lo. Hmeichhiate chu tihluihnain nupui atan neih an tum bakah an pawngsual zui tih hriat a ni bawk. Wall Street Journal in a tarlan danin, Taliban hoin sipai leh civil mi an man te chu an that zui bawk tih a tarlang a ni.

Taliban official te ve thung chuan heng an puhchhiatna te hi thudik lo a ni tih sawiin, hmeichhe pawngsual chu an sakhaw dan kalhna a ni an ti ve thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!