Your Daily News

Thlipui na tak tleh karah Bathroom Inbualthlenga dah Bible chuan nausen 2-te nunna a chhanhim!

0 1,225

Thlipui na tak chuan United States, Kentucky hmunah chenna in pakhat chu a nawr chiam mai a, a chhungah hian nausen 2 leh an mahni awmtleitu pitar pakhat an awm tih hriat a ni.

Nausen 2 te hi Bathroom a inbualna chawhtawlh chhungah pitar chuan a thuttir a, an thutna hnuaiah chuan a Bible a dah tih a sawi. Pitar chuan nausen 2 te chu Blanket leh lukham bakah Bible hnutchhiatin a chhuahsan ta a ni.

Hun reilote hnuah chuan thlipui chak tak chuan an chenna in chu a rawn khawih tan a, Bathroom nen lam chuan a lenchhe ta vek mai a ni. Pitar chuan a tute 2 Kaden thla 15 mi leh a nau thla 3 mi Dallas te chantur chu ngaihtuah chungin hlauthawng zetin thlipui che vel karah an in chu a lo thlir reng mai a, tih theih engmah a nei si lo! Nunna nei tan he thlipui atang hian damkhawchhuah ngaihna a awm lo a ni a ti.

Pitar Clara Lutz chuan thlipui tlema a zia deuh hnu chuan an huanah a tute 2 chu a zawng ta chiam a, a tute 2 a dahna chawhtawlh tak ngial pawh chu nasa taka a zawn ngial pawhin a zawng hmu mai thei lo a ni.

Clara chuan a sawitheih awm chhun chu “Lalpa nausen 2 te kha min pe kir leh hram rawh” tiin van Pathian a au ta a ni.

A hnuah Police officer te leh chhanchhuahna hnathawktute chuan an huan mawnglamah inbualthleng chu a khaikhup zawngin an hmu ta hlauh mai a, bathtub hnuaiah chuan nausen 2 te chu himdamin an zawng hmu ta a ni. Tiang khawp a na thlipui leh ruahpui karah nausen 2 te chu an taksa pawh a huh miah lo mai a, an 2 chuan Vanderhilt University Medical Centre, Nashville-ah dah luh an nia, hliam tuar zawk Dallas chu enkawlna pek a nih hnuin a damchhuak ta a ni.

US, Central State ah thlipui tleh avangin mi 90 chuang an thi a, Kentucky a thlipui thawk zingah chuan tun tuma thlipui hi a na ber awm e. Nausen 2 te erawh pitar rinna avang leh Bible chuan an nunna a chhanhim ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!