Thlawhna kan chuan a thil pawimawh tak pakhat kan tih tur chu mobile flight mode a dah hi a ni. Flight mode a dah a tul chhan leh dah loh a pawi chhan ber chu.
Kan mobile Flight mode a kan dah loh avangin thlawhna chu a tla dawn tihna a ni kher lo a, mahse thlawhna khalhtute awmna control room a system te chu phone line hian a ti buai thin a, pilot te chu leilam nen an inbiak pawhna a ti buai thei a ni.
Leilam nena an inbiak pawhna system a tih buaia an thu inthawn leh dawnte a tih khawmuan palh chuan buaina lian tak a thleng thei a ni. Mobile ri reng reng chu Pilot’te bengah chuan thil ngaihthlak hreawm tak a ni.
Thlawhna chhung kan luh hnua call kan dawnga ringtone chu hla nalh tak pawh nisela pilot te tan chuan speaker a tanga rawn ri chhuak ang mai a ring hian a bengchheng thin a ni. Pilot ten buaina an tawh chuan kan khualzin kawng chu khualzinna hlimawm a thleng lo tawp ang le.
Chu vang chuan thlawhna kan chuanin mobile hi flight mode ah i dah thin ang u. Khualzinna hlimawm kan neih theih nan thlawhna chhunga an discipline te zawm i tum thin ang u.