Your Daily News

Thlarauthianghlimin A Nu Chu Ramhuai A Ni Tih A Hrilh Hnuah Tuialhthei Leihin Meiin A Halhlum!

0 597

Pa pakhat chuan amah hringtu a nu ngei chu ramhuaiah ngaiin petrol a leih hnuah meiin a halhlum tih an sawi.

Lionel Justin Gore kum 34 mi chuan thlarauthianghlim hnen atangin thu a dawng niin a sawi a, a nu Diane Gore chu Thlarauthianghlim in ramhuai a nih thu a hriattir niin a sawia tuialhthei a leih hnuah a hal zui ta a ni.

He thil rapthlak tak mai hi US, Ohio, New Matamoras ah Zirtawpni liam ta zan Dar 6:20pm khan a thleng tih hriat a ni a, pawikhawihtu Lionel Justin Gore chu a farnu in a nu a halhlum lai chu a va nangching tih an sawi.

A farnu Staphanie in Officers te a hrilh danin, Lionel chu inchhung atangin pawn lamah a lo tlanchhuak a, “Ka min lo kian rawh, a dawtah ka that dawn che” tiin a au ring hle a ti.

Lionel Justin Gore a unaupa fapa kum 6 miin Detectives te a hrilh danin, Lionel chu a nu Diane chungah awmin a nghawngah chemte a zai a tum lai a hmuh thu a sawilang bawk. A nu Diane ruang chu Bedroom ah hmuh a ni a, misual Gore pawh thui vaklo an umzui hnuah Police ten an man zui ta a ni.

Detective Sgt. Scott Smeeks thu an zawhfiahnaah Lionel Justin Gore chuan, a nu chu a lu a tanchhum hnuah tuialhthei leihin meiin a halhlum tih a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!