Brooke Crews leh a bialpa William Hoehn te chu an thenawm raipuar thah leh an naute la pianglo laksak ah rinhlel an ni.Hemite pahnih inhnuai luahtu chuan minute 20 dawn lai intibuai thawm a hriat thu leh a hnu lawkah shower ri a hriat zui thu chu a complain a.Hemi hunlai tak hi ani heng mi pahnihte hian an thenawm nu raipuar kum 22 mi chu nunrawng taka an thah tak ni.
An thah tak LaFontaine-Greywind hi nu upa ve tak in ah nurse hna thawka awmin,amah thattute building ah a nu leh pa leh a unaupate nen an insawn ani.A bialpa kum 7 chhung a lo zui tawh Ashton Matheny nen an awmna tur apartment hawhna thutiam an ziah tawh thu an tarlang bawk.LaFontaine hian naute hmeichhia a hrin vat tawh tur thu an sawi bawk.
Mahse nikhat chu building chhungah chuan a bo ta tlat mai a,a car leh wallet chu parking area ah hnutchhiahin a pizza order pawh a rawn thleng ve chiah bawk ani.Karkhat hnu maiah chuan nunna nei tawh lo a taksa chu an building bul lui ah chuan hmuh ani ta mai ani.
A bo ni ah chuan a nu leh a unaupa chu textin,Brooke Crews te in ah a kal tur thu a hrilh a.Chumi tlai vekah chuan a unaupa chuan Crews te in ah chuan zawng turin a han kal a,mahse tumahin doorbell an chhang lo ani.A hnu lawkah chuan a pa chu han kal ve in Crews te chuan Greywind a awm loh thu an lo hrilh thung ani.Chuta tang chiah chuan a chhungte chuan thil diklo a awm an ring tan ta ani.
An fanu chuan call leh message reng chu a chhang thei lo a,a bialpa pawh chuan a ngaihna a hre lo hle ani.Police te chuan an in chu vawithum lai dap chhuakin engmah finfiahna tur awm ang an hmu lo thung ani.William Coehn thianpa an biak chuan rinhlelhna nei tanin chupa chuan naute thar an sawi thin thu a sawi ani.
Police te chu Crews te in ah chuan kal lehin,naute thar chu an hmu ta ani.DNA Test te nei nghalin chu naute chu Greywind fanu ngei ani tih finfiah ani zui ta ani.Crews bialpa chuan khami tlaia a haw khan,a bialnu chuan chhuatlaia thisen kai a lo tihfai mek thu a sawi a.Naute lo pawmin “Ka naute thar,kan chhungkaw thar anih hi” a lo tih thu a sawi bawk .Mahse Crews erawh chuan police te hnenah thu dang daih a sawi thung .
Crew chuan Greywind ngeiin a tuibawm chu tikeh turin leh naute chu hringin a pek nghal thu a sawi thung.Court ah erawh chuan a thah ngei thu a puang ta ani.Tunah chuan naute erawh chu Greywind bialpa enkawlna hnuaiah dah ani.