Your Daily News

Thikthu Chhiat Avangin Nula Kum 23 Miin A Bialpa Chenna In Meiin A Hal

0 1,107

US, Texas a khawsa nu pakhat chuan a bialpa call a, rinloh tak maiin hmeichhia in a lo chhang thut mai a, a phone call a bialpain chhang lova hmeichhe chhanna a dawng ta mai chu thinrimin a bialpa chenna in chu a hal zui tih hriat a ni.

November 20 liam ta khan Senaida Marie Soto kum 23 a upa chuan, a bialpa a call laiin hmeichhe-in a lo chhang a, tianga hmeichhe chhanna a dawng ta chu a ngaihdan a ni lo hle mai a, tiang hian rawng takin a che zui ta tih Police te chuan an sawi. Soto hi Police ten an man zui nghal a ni.

An sawidanin, Soto bialpa call-na chhangtu hi an thenawm a cheng hmeichhia a nih thu an sawi a, hmeichhe chhanna a dawn hnu hian lung ni loin a bialpa chenna in lam panin a kal a, in chhungah lutin thil tam tak a ruk hnuah in chu meiin a hal zui tih an sawi.

Soto-in a bialpa chenna in a hal avanga bungraw kangchhia hlut zawng chu $50,000 hu a nih thu an sawi a, in a hal lai hian a bialpa chu text lehin, “I in chu a la him ang chu maw” tiin a hrilh nawn leh ngat a ni. Thikthu chhiat avangin a bialpa chu chenna in nei loin a siam der a nih chu!!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!