Your Daily News

A THIKTHU CHHIA-IN A BIALNU HLUI A HAL/KANG

0 647

A bialnu hlui chu mipa dang nen an inzui avanga a thikthu chhia chuan a bialnu hlui chu a hal/kang a ni.

England sumdawngmi Gary Iredale kum 52 chuan a bialnu hlui Vietnamese nula chu January ni 15 khan a puanthuina dawrah a hal/kang a ni. Vietnamese nula Nguyen Hang-i hi kum 23 mi ani a, a bialpa Gary Iredale nen hian kum khat dawn an inzui hnuah an inthen a ni.

Tichuan Gary Iredale chuan a bialnu hlui chu mipa dang nen an inzui tih a hriat chuan a thinrim hle a, a bialnu puanthuina dawrah hian hmai tuam chungin ava kal a Nguyen Hang-i chu petrol in a leiha tichuan a hal zui nghal a,Gary Iredale-a chu a tlan chhuak nghal a mahse mi pakhat  Alan Nicholls chuan Gary-a tlan chhuak lai chu a lo hmu a ni.

Nguyen Hang-i taksa chu a kang nasa hle a, chuvang chuan nikhaw hre loin a awm phah a ni. Gary Iredale-a chu a rang thei ang berin Philippines lam panin a thlawk chhuak nghal tih hriat a ni. Mahse january ni 18 khan Gary Iredale-a hi Thailand ah man a ni. ” ka fapa hian hetiang thil rapthlak hi a ti thei ang tih rin ngaihna reng ka lo hre lo ani, a thil tih hi a hlauhawmin a rapthlak lutuk ” tiin lungchhe takin Gary Iredale-a Nu chu a tap a ni. Nguyen Hang-i hi a hliam ana hle a, tunah hospital ah enkawl mek ani a, a harhchhuah vat theih nan a chhungte chu an tawngtai reng a ni.

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!